الخبره فديتكن اباكن تساعدني

السلام عليكم

خواتي فديتكن ابى اخذ افرولات حق البيبي من 0-3 بس بسالكن كم واحد اخذ ؟؟ واخذ الافرولات اللي تغطي الريول والا اللي لين كعب الريل شو الافضل؟؟؟*

لا تكثرين لان البيبي يكبر بسررعه
والافضل تاخذين اللي تغطي الريول عشان يدفيه احسن من انج تلبسينه دلاغ
او اذا تبين خذي من الاثنين

9 عدد معقول ,
والللي تتغطى كامل احسن وفي منهم اللي فيهم صوب الايد يتسكر عشان البيبي مايشمخ عمره
في يهال ييون صغار يلبسونهم لين اكثر عن 3 شهور وفي محلات تختلف شوي بقياساتها

الغالية الله يقومج بالسلامة خذي اللي يغطي الريول احسن يدفي الياهل والحين الجو حا فطبيعي انتي وبو العيال بتفتحون المكيف فالافضل الأفرول الكامل شوفي أنا حق عيالي بصراحة أخذ نيو بورن 6 وأخذ من 0 -3 9 ألبسهم من بيبي شوب بس جان حد زارني وبطلعلهم البيبي مثلا عماتهم ألبسهم من مذركير ونكست طبعا بعد افرولات من 0-3 لاني ما حب في هالسن ألبسهم لبس بوقطعتين احسهم يتمصعون ههههه ومن عقب الثلاث شهور ألبسهم

يزاكن الله خير فديتكن ما قصرتن لا خلا ولا عدم

ربي يسهل عليج …
خواتي ماقصرررن ربي يحفظهن

خدي من النوعين عاساس لو حر اتلبسينه اللي مبطل "