الخدامة اطلعت شيخة وانا مادري

انا عندي الله يسلمكم خدامة اندونيسية علة ومصيبة وماينفع معاها الكلام ولا الملام وماتحب حد يكلمها لان احساسها رفيع وعلى بالها شخصية ماتحب النصيحة وحد يقول لها سوي هذا ورتبي هذا وترادد ولسانها طويل وطبعا ياخواتي انا ساكنة شقة صغيرة وماعندي غير بنت وحدة الله يخليها لي
هذاك اليوم كنت بدوام وسالتها غيرتي البامبرز قالت توني الحين مغيرة ولما شليته عن بنتي حسيت وزن البامبرز كيلو من كثر البول والمرضعة امخليتها من الساعة 6 الصبح لين الساعة 11 الضحى وتخيلوا نازعتها وزعلانه ماتحب حد يضايقها وانا اكلمها تقولي زين زين زين علقت ماعجبها الكلام ويه ريلي ونازعها وقال لها غيرج من فير الله ناشين وانتي لاتغسلين سيايير ولاتسقين زرع ولا تطبخين ليش بطرانة وطبعا بعد هذا النزاعة راحت تغسل ملابس انا سرت وراها قلت بشوفها كيف تغسلهم حصلتها حاطة بجايم ريلى مع ملابسي الداخلية ومع الجلابيب قلت لها الحين تغسلين هذا كله مرة ثانية …………هذا نقطة ابحر من بلاويها قولولي شو الحل والشيخة بشكارتي

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

معظم الخدم جي ما يتحملون ولا حرف من صاحبه البيت لو قليلهم شي يمدون البوز

دخلت بس أشألج كيف تخلين بنيج عندها ؟؟؟؟؟؟؟؟؟؟؟؟؟؟؟؟؟؟؟
كل اللي قلتيه يهون بس أنج تخلين هالطفلة عندها مب حرام ؟؟؟؟؟؟؟؟؟؟؟؟؟؟؟

اغلب الخدم جي ..ما يستحملون كلمة من راعية البيت
كأنها هي تشتغل عندها مب تشتغل هي عندهم!!
طولي بالج عليها واخذيها بسياسة وبلين
لأن بنتج تحت ايدها لما تكونين انتي مشغوله
ومب عندج..حاولي تضبطين اعصابج..ادري صعب
بس شو بتسوين..تقريباً الغالب الاعم من الشغالات نفس ما وصفتي
علل علل علل ومن خاطر اقولها.

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

ترى اودي بنتي مع الخدامه كل يوم الصبح بيت عمتي عشان جذي الخدامة مضايقة تبي تيلس بالبيت على راحتها الله اعلم شو تسوي