حبيباتي انا جتني رسايل يسالوني عن الخلطه الصابونيه وسنفرة السنفرات
انا الخلطه الصابونيه استغربت انه واجد منكم مايعرفونها مع انها ماشاءالله هالخلطه انتشرت انتشاار موطبيعي وصارو يطلبونها من برا الكويت السعوديه وقطر
هالخلطه من اخترراع العضوه مزيونه وشقرا في منتدى كويتيات الخلطه روووووووووعه توحد اللون من قلب وتشيل المسامات ملوت الرجول
الخلطه من كثر مانجحت صارت مزيونه تبيعها مع انها حاطه طريقتها بالتفصيل بس البنات طلبو منها انها تبيعها لهم لانه في بنات ماظبطوها مع انها سهلللللللللله
انا سويتها هذي ثاني مره اسويها ومره شريتها منها رووووووووووووعه يابنات ماعاد احس اني متسبحه ومتنظفه الا منها
انا بحط لكم طريقتها مع اظافاتي لها
نجي للطريقه
-صابونه الكركم ————————- ( تبييض+ نظافة+ تشيل الحبوب الدهنيه بالجسم )
2-صابونه الغار————————— ( تبييض + نظافة وتشيل الحبوب وتصفي)
3-صابونه السحرية———————— ( تبييض)
4-صابونه البابايا ————————–( تبييض + تشيل الحبوب وتوحد اللون)
5-ماي ورد بطل كاامل مع انه مزيونه قالت بس قلاص وربع——————- ( ترطيب نعومه تبييض)
6-اشوية كركم جسم ————————( تبييض)
7-ملعقة كبيره ملح خشن ——————-( تطهر الخلطة + نظافة)
8-اربع ملاعق كبار سفيد اب مطحون مع انه مزيوه قالت ملعقتين بس- ———- ( تبييض)
9-ملعقة وسط نشا————————– ( تبييض + لتماسك الخلطة)
10-جلسرين سائل نص بطل للنعومه
11-ملعقتين سدر مطحون للبياض
12-ملعقه كريم العروسه بعد للبياض<<اذا موعندكم او ماتحصلونها موظروري عادي
13-ملعقه الهرده الشاميه<<اذا موعندكم وماتحصلونها موظروري عادي
ويابنات اي صابونة تبيض عندكم ضيفوها عادي احسن بعد
الطريقه
تبشرين الصابونه كله بالمبشاره خصصي وحده للصابون مبشاره السلطه والخيار والجزر عرفتوها
بعد ماتبشرين حطيهم على جنب
جيبي جدر موكبير يعني ظيج شوي وصبي فيه كل ماي الورد ونحط السفيداب بعدين الكركم بعدين الملح والسدر ونحركم ونحطهم على نار هاديه عقب نحط كل الصابون المبشور ونخلطه
بتلاحظونه بسيح بسرعه نطرو لما يبقيق ويطلع فقاعات لاطلع فقاعات سكرو النار وحطو النشا والجلسرين وكريم العروسه والهرده وتحوسونهم مع بعض وتصبون الخلطه بعلبه اي علبه بلاستك او زجاج كيفكم
عقب ماتبرد تستخدمونها عادي وتحطونها بالحمام عادي مثل اي صابون
طريقتي انا باستعمالها
ابلل جسمي بماي وادهنها على جسمي اخليها 3 دقايق عقب اخذ الليفه المصريه وافرك جسمي فيها راح تحسون بنظافه موطبيعيه
انتو استخدمو اي ليفه كيفكم
عقبها استخدم سنفرة السنفرات تبيض وتنعم بشكل روعه
ولاتنسون يابنات الترطيب الترطيب الترطييب لاازم لانه الخلطه شوي تجفف اذا مرطبتو بتسمرون
لانه
الترطيب=بياض
الجفاف=سمار
خلو هالمعادله براسكم ومابتشتكون من سمار ابد
انا يوم انفاسي كانت نفسيتي زفت تعرفون الانفاس نفسيه ماكنت ارطب ايدي بلوشن والله لاحظت يدي سمرت عن اول
علبه سنفره المشمش الأصلية استي فز تحصلونها بكارفور
– ثلاث أرباع جيس من ملح الحليب يوكو سبا الأصلي تلاقونه عند العطارين وسوق الفلبن
– ملعقتين كركم جسم
– 3ملاعق سفيد اب حجر ابيض إيراني
– اشويه ماي ورد حسب حاجه الخلطة
ملعقتين سدر
اخذو طاسه صغيرونه وحطو سنفرة المشمش وفوقها ملح الحليب واخلطوهم عدل بعدين الكركم والسفيداب والسدر وشوووووييييه ماي ورد يابنات شووويه عشان الخلطه ماتسيح وتصير حيل سايله واخلطووهم عدل وحطوهم بعلبه وبس استخدموهم عادي بالحمام عزكم الله
طبعا يابنات هذي كلها خلطات العضوه مزيونه وشقرا الله يعطيها العافيه مع اضافاتي
تقبلي مروري
ماقصرتي فديتج
في اشياء ناقصتني
بشتريهم وبسوي ان شاء الله
تقبلي مروري
بس سؤال ما بيضرنا هالتبيض لو تركنا اخاف انرد اخس عن قبل
ودمتي بود
بالنسبه للتبيض
كل شي بتتركين وتهملين به بيرد
مثل الانسان اذا ماتغذى غذاء زين بيمرض و
والزرع اذا ماتغذى بيذبل
البشره والشعر يبيلهم اهتمام دائم عشان اتمين مثل ماانتي بحلاتج وجمالج
ترى الممثلات والمطربات اعتناء دايم من جذي بشراتهم حلوه واجسامهم موحده
حتى الاميرات والشخصيات
انا من كثر مااهتم صرت استمتع بالخلطات والسنفرات مااحسهم تعب بالعكس ونااسه لاني تعودت
اذا قعدت ماسويت شي لنفسي ازهق