شحالكم خواتي عساكم بخير
انا اول مره احط مشاركه .. عل وعسى احصل حل لهالمشكله
الله يسلمكن هي مب مشكلتي شخصيا مشكله ربيعتي بس مااعرف كيف اساعدها..
بخبركن السالفه وخبرني الحل…
هي يوم كان عمرها 8 سنين تعرضت للتحرش من طباخ بيتهم وماتعرف شو كان يصير فيها بس من كبرت فهمت وخبرتني وقالت لي جي جي صار فيني يوم كنت صغيره بس ماخبرت لا امايه ولا شي اخافها تعصب والا تضربني قلت لها ان شاءالله مايكون فيج شي واذا انتي شاكه بعمرج سيري وفحصي قالت مااقدر واخاف واستحي…
وبما اني ربيعتها المقربه ظهرنا من الكليه وسرنا عياده نسائيه وخبرناها السالفه وقالت بفحص وببلاش بعد وفحت لها وقالت مافيج شي انتي بنت وكل شي اوكي هني ارتاحت ربيعتي وباستني
الحين المصيبه وين قبل لانتخرج من كمن شهر خطبها ربيع اخوها وقعدت تصيح جنه حد ميت اقولها من فرحتج تصيحين تقولي لا بموت من الخوف اقولها ليش تقولي اخاف من ليله الدخله قلت لها يابنت الحلال ربيعاتنا عرسن وماخافن وبعدين لاتخافين قالت مااقدر اتصور عمري مع اي شخص مابا وتصيح اقولها انزين انتي مب انج مختربه عشان تخافين تقولي مب سالفه اتا بنت او لا بس انا من عرفت انه سالفه ليله الدخله فيها وفيها خلاص مابا هونت عن العرس قلت لها هاذيل مخوفينج عادي بعدين مب شرط يصير فيها اشياء وايد وانتي تفاهمي ويا ريلج قوليله انج خايفه صارحيه مب طايعه تقتنع كيف اقنعها انه هالليله ماتخوف
هي متعقده من يوم ماصار فيها التحرش من صغيره خلاص متعقده وكاره شي اسم ولد او ريال
افيدوني .. ويزاكن الله خيررر
مافي بنت ماخافت من هاليوم بس سبحان الله ربنا بصبر وبعين
اساسا خوفها وخجلها طبيعي وان ماخافت او ما خجلت ابدااا مابتكون طبيعيه
فطمنيها انتي وواسيها واذكريلها امثلة لبنات متلها واصغر منها اتزوجو على بكير وكونو أسرة
وفهميها انو هاي سنة الحياة وان ما اتزوجت هلأ راح تتزوج بكرة يعني عاجلا ام اجلا راح تتزوج ماافي مفر
وربنا يعينها ويطمن قلبها
طمنيها وقوليلها ان خوفها عادي وطبيعي حتى لو لدرجة انها تصيح … وخلي حرمه معرسه تيلس وياها وتفهمها وتطمنها حتى لو باسلوب فكاهي يكون احسن بعد … و بعدين عقب الزواج بتتلاشى هالمخاوف ان شاءالله من بالها 
اسولف وياكن.. ان شاءالله هالمخاوف تروح عن بالها.. وايسر امورها
هي مش اول او اخر وحدة تمر بهالخوف.. هذا شي طبيعي
الله يوفقها