الخياطة بعد الولادة

السلام عليكم
خواتي العزيزات
?ن?ـMEـٌَِ?َِ والدة من 18 يوم وخيوط الخياطة بعدها للحين ماطااحت ماعرف شو السالفة.
انتن جم يوم تمت عندكن وعقب طاحت
. مع أني أستخدم لها ميبو وديتول وأغسلها فماي دافي وصابون
للعلم ?ن?ـMEـٌَِ?َِ بجر.

اول شي الحمدلله ع السلامه خيتوه ويتربى فعزج

ثاني شي خيوط الخياطه عادي اطول

عن نفسي تمت وياي لين تقريبا بخلص الاربعين وكانت بعد اول ولاده لي

انتي اهتمي بنفسج وسوي اللي عليج

طهري المنطقه يوميا وان شاء الله خير

هلا الغلا شحالج والحمدلله على سلامتج
فديتج سوي بالسشوار من بعيد وحاولي حطي شي وتسدحي وخلي المنطقة مكشوفه تتهوى واذا ما قدرتي سشوار كل ما تروحين للحمام وانتي بكرامه نشفي المنطقة بالكلينكس الحمام عقب سشوري بس من بعيد
وهاي الفكرة مب من عمري يبتها من الدكاترة
حاولي تحافظين على النظافة لان ما فيج على الالتهابات لان الدم يطول
وعليج الف عافية

الف الف مبروك الغاليه و الحمدلله على السلامه

الغاليه عادي مرات تتاخر الخيوط لين تطيح انا تمت لين قبل الاربعين بكم يوم و كنت بكر انتي هتمي بنظافه المكان و الجفاف مهم و ان شاء الله بتخوز في اقرب وقت

هلا حبيبتي
الحمدلله ع سلامتك وسلامة البيبي
ويربى ف عزكم يااارب
الخيااطة .. آآخ منها تعيسة خخخ
أنا كملت 45 يوم وبعدين نزل آخر خيط
وكنت أهتم بالمنطقة واحط كريم عطوني اياه بالمستشفى بس مافادني !
بعدها استخدمت كريم فيوسيدين وحسيته متااز

بالسلامة يارب

الحمدلله ع السلامه اختي الكريمه..
بالنسبه لي لاحطيت كريم ولاشي… اللي سويته تكرمين كل ما ادخل الحمام لازم اخر شي اتغسل بالماي والملح، او اقعد شوي في ماي وملح بس المهم الماي يكون دافي ابدا لاتستخدمين البارد ومرات اتغسل بالديتول…
وتقريبا اتم الخياطه طول الاربعين كل مره بطيح جزء من الخيط..

والحمدلله المنطقه تلتئم بسرعه..
والله يسهل عليج يارب

الحمدلله ما شقو منطقة العجان البنت طلعت بسرعة بدون اي شق كانت خياطة مهبل فقط
وطاحت خيوطها عقب اسبوع
خايفة هالمرة لاني فالتاسع
وحمدلله عالسلامة