الخياطة

مساااء الخير

خواتي انا كملت شهر ع ولاتي والحمدالله … بغيت اسالكم ع الخياطة ترى لين للحين ماطحن الخيوط .. وبعد احس بحكة في هالمنطقة هالهشي طبيعي … وابي اعرف تجاربكم ويه الخياطة وكيف اتنظفتوا اخر شي منها ………….. فزعتكم

اذا الخياطه تجميليه تراها اتطيح عقب 30 يوم او اكثر بشويه …واذا الخياطه العاديه اتطيح خلال 10 ايام …والحكه دليل ان الجرح بيشفى والخيط تبى تطيح…وطول مافيج الخياطه لازم اتغسلينها يوميا بغسول طبي ( سيباميد للمنطقه الحساسه) وتحطين كريم ميبو بعد التنشيف ….
اذا انتي مسويه العاديه وماطاحت لحد اللحين لااااازم اتراجعين الدكتورة اللي خاطتج.

مرحبا..

يا الغالية أنا الخياطة طولت معاي بعد ماطلعت من الاربعين افتكيك منها بالنسبة لي السبب كان عنادي لأني ما سمعت كلام الدكتورة وأمي لما قالوا لي حطي ملح بماي دافي واغسلي المنطقة فيها لأن الخياطة كانت من الداخل وبرع المهم الدكتورة عطتني كريم بعد يعني كنت أغسل بغسول وانشف واحط الكريم والحكه عادية لما تنشف الخيط وخلي الملح مره وحده وصدقيني على طول بتطيح الخيوط انا لما شفتها طولت أكثر من شهر خفت بس بعدين تشجعت وسويت لي ملح وماي دافي مع كل مره أدخل الحمام الله يعزك والحمدلله طاحت على طول واتمنى لج الشفاء.

اختي سيري عند دكتورتج اتشوفج لأن الخيوط اتطيح عقب اسبوع لين عشر ايام و اذا طولت ممكن تحتاج ان الدكتوره اتشلها .. لأن حميتي استوالها مثلج و يوم سارت الدكتوره شلت الخيوط و افتكت الحمدلله ..
الله يعافيج ان شاء الله ..

صح نسيت أقولك بعد أسبوع يا الغالية رحت كان عندي موعد عند الدكتورة تشوف الخياطة وفتحت لي بس كم خيط والباقي بروحهم طلعوا بعد الأربعين وأنت بعد روحي عند دكتورتك وشوفي شو تقول لج والله يشفيج.

والله يا اختي انا الخياطه تمت وقت في ودايما املا البانيو ملح وماي دافي واقعد 10 دقايق وانشف المنطقه زين عسب الالتهابات والحمدلله طاحت يمكن بعد 25 يوم

اختي سيري عند دكتورتج اتشوفج لأن الخيوط اتطيح عقب اسبوع لين عشر ايام و اذا طولت ممكن تحتاج ان الدكتوره اتشلها