عزيزاتي الصور الخاصة بهذي الوصفة كانت عندي من فترة فقلت خلني أنزل الطريقة مرة ثالثة . بالذات اني ما زالت كثير من الأسئلة تطرح علي بخصوص طريقة اعداد وخبز الكيكة الاسفنجية بإسم الله نبدأ
مقادير الكيكة الاسفنجية المعتمدة
5 بيضات مفصول الصفار عن البيض
1 كوب دقيق فاخر منخول
1 كوب سكر بودرة يفضل
1 ملعقة طعام فانيليا
1 ملعقة صغيرة كريم اوف تارتار
1 ملعقة صغيرة باكنتج باودر
2 ملعقة طعام من الماء العادي
الطريقة المصورة
نحط بياض البيض مع ملعقة الطعام الفانيليا بالاضافة إلى الكريم اوف تارتار ونضيف السكر البودرة ال1/2 كوب بالتدريب ونخفقهم لح لحد ما يوصل لقوام الكريمة .
اهني بعد ما وصل بياض البيض للقوام الكريمي واستوى ناصع البياض.
اهني شكل بيضا البيض بعد ما نقلناه إلى وعاء ثاني عسب نستخدم وعاء الخفق
ما نغسل اناء الخفق عادي نضيف صفار البيض مع كمية السكر المتبقية وهي 1/2 كوب .
ننخل الطحين ونضف له الباكنج باودر .
نضيف الطحين إلى خليط صفار البيض ونخفق وهذا شكهم ولو كان الخليط غليظ ضيفي ال2 ملعقة طعام الماء .
واهني صوره أقرب .
اهني صار عندي الخليطين جاهزين .
نبدأ نضيف البياض لخليط الصفار كل مرة ملعقة كبيرة بس .
ونبدأ ندمج شوي شوي وبتمهل .
واهني شكل المزيج بعد ما خلصنا من اضافة بياض البيض صار لون الخليط أصفر فاتح جداً .
واهني راح أروايكم طريقتين لخبز الكيك الاسفنجي وأكيد عندكم أفكار أكثر وأحلى بأشكال ودزاينات مختلفة من الصواني ^_^
الطريقة الأولى الكب كيك :-
في البداية بحط الخليط في كيك فالكون الخاص بالسندويتشات بهذي الصورة .
ونغلق الكيس عادي ونتأكد انه مسكر .
جمعتكم مباركة يتبع أحبتي
واهني قصينا طرف الكيس وبدينا بكل بساطة نحط كمية بسيطة وهي 3/4 الارتفاع .
واهني شكل الصواني بعد ما خلصنا منهم .
ونخبزهم على حرارة متوسطة لمدة ربع ساعة أو حسب كبر الصينية يعني إذا سوينا الكب كيك المني (النونو) بتاخذ وقت أقل وإذا استخدمنا الصينية الأكبر بتاخذ وقت أطول .
واهني عزيزاتي اسمحولي أخذ مساحة في أتكلم عن طريقة خبز الكب كيك . وراح أذكرها على شكل نقاط:-
2.نحط السلك الي في الفرن على الدرجة الثانية من تحت .
3.طبعاُ يالذكية يا شوكلاتة نحط الصينية ^_^
4.ونكون مشغلين الليت الي في الفرن وعزيزاتي نراقب الكب كيك بدون ما نتفح الفرن .
5.وأول ما يبدأ ينتفخ انتبهو (إذا كنتي حاطة خليط كيك زيادة في الأوراق وحسيتي بيظهر من الجوانب) على طول سكري من تحت وشغلي الشواية من فوق عسب تحافظين على الانتفاخ هذا وما يطلع الكيك من الأوراق وحمرية عادي ولا تحتاتين لانه بينضى.
6.يالله نننتقل للخطوة الي بعدها.
هذا شكل الكب كيك بعد ما خبزناها .
بنفس مقادير وطريقة الكيك الاسفنجي بعد ما يكون الخليط جاهز .
بحرص نصب الخليط في صينية مبطنة بروق الزبدة .
نستخدم اسباتيولا كبيرة لتوزيع الخليط على جميع أنحاء الصينية .
عزيزاتي أذكركم نوزع الخليط بهدوء وبروية عسب ما نفقد الهواء الي داخل الكيكة.
اهني الصينية صارت جاهز تدخل ال فرن للخبز.
جمعتكم مباركة يتبع أحبتي
واهني عزيزاتي بعد ما تركناها تبرد بشكل كامل تلاحظون انها تهبط بس بشكل خفيف جداً بس تحتفظ بشكل السطح المتساوي والجميل ^_^ .
عرضت لكم طريقتين مختلفتين لخبز الكيك الاسفنجي . الحين لازم نراويكم تزين بسيط جداً لهذا النوع السهل واللذيذ من الكيك . والي ميزته انه خفيف لعدم احتوائه على الزيوت . وممكن نكتفي بتقطعية لشرائح وتقديمة ويا الحليب أو الشاي بالنعناع ^_^.
اهني قطعة صينية الكيكة الاسفنجية إلى 9 قطع متساوية في الحجم ويفضل أحبتي نقطعها بسكين منشار, وحطيتهم في علبة بلاستك (هذي كانت حق ربيعتي الي تتوحم وأذتني بالمسج الي يقول (بليز البنوتة تبى كيك أسفنجي بالتوفي).
واهني صوره أقرب وأوضح لشكل القطع , ما شاء الله ولا قوة إلا بالله الكيكة فيها بركه تخيلو خمس بيضات وكوب طحين وكوب سكر يعطونا هذي الكمية (بالعافية عليها) .
لاحظوا اهني شكل الكيك من الجنب بعد التقطيرع هش ومنفوخ ونتيجة رائعة .
[COLOR="Red"]وطبعاً عزيزاتي زينته بالتوفي الي سبق ونزلته في موضوع مصور منفصل ممكن تطلعون عليه في الرابط أدناه.
[/COLOR
https://forum.uaewomen.net/showthread.php?t=779479
اهني حطيت التوفي في كيس تزين للتحكم في التزين بشكل أكبر . تلاحظون عزيزاتي اهني التوفي لونه كراميل غامق (الحلوه) قالت تبى نكهة السكر المحروق ظاهرة في التوفي .
لكن أحبتي تحملوا أول ما يكتسب السكر اللون البني الشبه غامق على طول حطوا القشطة لانه ممكن تظهر نكهة التوفي مر إذا خلينا السكر يتكرمل مدة طويلة على النار. أترككم مع صور وضع التوفي على الكيك .
اهني حطيت التوفي على كل القطع أخلييكم مع الصور .
جمعتكم مباركة يتبع أحبتي
اهني صوره مقربة للكيك الاسفنجي بالتوفي .
توكلوا على الله خخخخخ .
وهذي قطعتي لعبت فيها أول شي رسمت قلب وعقب لونته من داخل .
وعقب كليتها وايد كانت لذيذة وخفيفة وما ينشبع منها فعلا أتمنى انكم تجربونها وهذي صورت قطعتي قبل ما أقرمها .
أقولكم دورت على جيس حلو أحط فيه علبة الكيك ما لقت , أخر شي حطيته في جيس الجمعية خخخخخخ .
شيف شوكلاتة
شوكولاه انتي طررر،، فنانه طبخ,,,
شي الكيكه و طريقه التوفي عيبتني
بجربها جريب
ماشاء الله عليج دوم فنانه و مبدعه
جربت من طبخاتج و كلهم ضبطوا ويايا
الله يوفقج و يحقق امنياتج
ورديــه
تراني اتريا طريقه البيرجر الي وعتينا فيها
رجاءا لا تتاخرين علي مشتهيتها قبل لا اجوفها و اطبقها
ههههههههههههههههههههه
المشاركة الأصلية كتبت بواسطة ورديــه 
شوكولاه انتي طررر،، فنانه طبخ,,,
شي الكيكه و طريقه التوفي عيبتني
بجربها جريب
ماشاء الله عليج دوم فنانه و مبدعه
جربت من طبخاتج و كلهم ضبطوا ويايا
الله يوفقج و يحقق امنياتج
هلا عزيزتي وردية منورة الموضوع , تسلمين على الاطراء الجميل والكلام الرائع هذا من ذوقج الغلا
ورديــه