خواتي انا مضابجة لان امسات رحت للدكتورة اللي اراجع عندها و خووووفتني
اول ما حطت جهاز السونار شهقت و قالت شو هالمفاجاة يا فلاااانة
زغت اتحريت البيبي صاير له شي
المهم قالت لي راسه مب نازل ع تحت و ع فكرة تراني داخلة التاسع من يومين
حاااولت تجلبه لي بس مووول ما طاع ينزل راسه
و قالت لي اخط مخدة تحت يبني اليمين و ارقد ع جهة اليمين بسس
و حذرتني من المشي و الحركة الزاايدة و قالت لي اييها عقب 3 اياام
و قالت اذا تم راسه فووق معناته اكييييييد عملية و انا ما ابا عمليااات
انا ما اروم اتريااا و ابا راس البيبي ينزل ف ناس نصحوني بالدكتورة زينب الشنار و قالولي شاطرة بهالسوالف
خبروني اللي تعرفووونه بنات و اذا في وحدة جربتها
و بليز اللي عندها رقمها الشخصي تطرشلي ايااااه و بكون شاكرتلها وااايد
من الله يتها تقلصات سارت المستشفى البيبي نازل راسه والرحم كان فاتح ٣ سانتي الحمدالله ربت يابت أحلى ولد
حتى خوفوها وقالوا لها اذا مأنزل بيسووون عملية لكن الحمدالله
الدكتوره هاي مااعرفها
ان شاء الله البنات يفيدونج
انا اذا ما نزل راسه بتوكل على الله ، اذا الله كاتب عملية ف لا حول و لا قوة
بس ع الاقل بحاول اذا صدق هالدكتورة تقدر تسوي شي
الحمدلله ان اختج قامت بالسلامة و عقبالي يا رب
الدكتوره زينب غنيه عن التعريف ما شاء الله عليها خبرة أجيال وشطاره استشيريها و شوفي رأيها وعلى فكره أسمها زينب كاظم و زوجها د. معاويه الشنار ,إذا بغيتي رقمها اطلبي رقم مركز الشنار الطبي في دبي من البداله.
دكتورة طيبه و شاطره و ما عليها كلام
انا في ولدي سويت عمليه لانه راسه فوق ما نزل
بس في بنتي قالو لي عمليه لانه راسها فوق
اتصلت بها و خبرتها قالت تعالي على طول كنت في آخر الثامن
و فعلا سرت لها و لفت لي بنتي و ولدتها طبيعي الحمدلله
اتوكلي على الله و سيري لها
بتسوي لج فحص و بتطمن على البي بي و اذا كل شي تمام بتلفه
و سامحيني على الاطاله
المشاركة الأصلية كتبت بواسطة كازو ترف 
الدكتوره زينب غنيه عن التعريف ما شاء الله عليها خبرة أجيال وشطاره استشيريها و شوفي رأيها وعلى فكره أسمها زينب كاظم و زوجها د. معاويه الشنار ,إذا بغيتي رقمها اطلبي رقم مركز الشنار الطبي في دبي من البداله.
ربي يسلمج يا قلبي
خذت الرقم من البدالة و اتصل من يومين بس محد يرد علي
ما اعرف اذا يصير اسير لها بدون موعد
حتى لو يلست اتريا عشر ساعات المهم تريحني