الدكتورة

السلام عليكم بنات سيدات الامارات شحاااالكن ربكن بخير وسهاله ..

امممم شو تنصحوني اسير عند

الدكتورة نادية في بوظبي

أو الدكتورة فوفو في العين ..

بقولكن سالفتية ..

انا سرت مره عند ناديه وقالت لي عندج كيس صغيرون ومايضرج والبويضات زينة مافيج شي بس يبي لي تقرير الهرمونات وتعالي >> وانا مارجعت لها خخخخ

جان اسير عند فوفو ابغي اتأكد >> قالت فيج تكيس صغير مابيضر بس انتي جسمج اوكي لا تمتنين لانه عقب بيكبر الكيس وكل ماسير لها تعطيني دوا منظم الدورة مرتين سرت لها وعطتني وماتنظمت جان تقولي تعالي لي يوم اتيج الدورة بعطيج كلوميد وحبوب حق هرمون الحليب >> لانه عندي مرتفع ..

السالفه انه ليش بتعطيني كلوميد انا المبايض عندي زينه وحجمها اوكي ونشيطة ع قولة ناديه ؟؟!!

عسب جيه محتاره ارجع لفوفو واخذ الكلوميد ولا اسير عند ناديه واجوف شو بتعطيني وبتقولي !!!

ع فكرة انا ريلي دوامه شفتات اسبوع بأسبوع ..

والسموحه طولت عليكم ..

ماتشوفين شر انتي شوفي الدكتوره ناديه هي اوكي وسوي فحصوات الهرمونات ولا تراجعين كذا مكان خليج عند دكتوره وحده

الشر ماايج يالغلا

هههه انا ابغي اتأكد عسب جيه اراجع عند كذا وحده ..

ان شاالله..

انا بعد انصحج فدكتوره ناديه لانها وايد شاطره..

فديتج انا من العين .. وما راجعت عند فوفو ولا مره .. بس اروح عند رخاااء وايد زينه عن تجربتي

بس دام انج من بوظبي ليش ما تروحين عند بشيره العراقيه .. وايد سمعتها مشهوووره وهي حرمه كبيره وخبرتها طويله

ووايد من بنات العايله راحوا لها

وما تشوفين شر الغلا

حبيبتي سيري عند الدكتوره ناديا تراها وااااايد اوكيه