خواإتي أنا صارلي معرسة ست شهور و للحين ما حملت {اللهم لا اعتراض }
رحت عند الدكتوره أوراس قالتلي كل شي طبيعي عندج ولله الحمد وعطتني كلوميد
أحين انا متردده أخذ الحبوب ولا ما استعيل يعني أصبر بعد كم شهر يمكن الله يرزقني
خصوصا اني قريت ف المنتديات عن خطورة الكلوميد وان مب أي وحده تأخذه بس مستغربه كيف الدكتوره وصفتلي هالحبوب
ف ياليت لو تقدرون تفيدوني واذا في وحده منكم خذت هالحبوب وكيف كانت تجربتها
جزاإكم الله ألف خير خواتي
ما فيه اضرار عادي… توكلي على الله….
الله يرزقنا وياج ياااااارب…
مب زيييييين دام انج طبيعيه .. والحمدالله عقب شهرين حملت طبيعي ويبت احلى سلطان الله يحفظه
أي دكتورة تينها وما فيج مشكلة تقولج بس بعطيج كلوميد !! << لأن ما عندها علاج ثاني 
فالحين بس بالكلوميد ..
أنا ما أقولج لا تاخذينه أنته على راحتج بس أنا أنصحج لا تستعيلين بعدج وربي ان شاء الله يكتب لج الحمل القريب
بس قبل أي منشط تاخذينه لازم ريلج يفحص أهم شي الفحص من قبل الزوج والزوجة
يمكن تكون مشكلة بسيطة لا سمح الله وهي الي تكون معرقلة الحمل للحين 
حاولي تكلمين زوجج بـ لطف وبوقت مناسب وخليه يتفهم الموضوع ..
وان شاء الله ربي يسهل أمركم
انتي خذيها وتابعي التبويض معها في يوم 13 من الدوره خليها تشوف لك بويضاتك
والافضل عمل التحاليل في اليوم الثاني من الدوره
تحليل (ال LH ..و TSHو.. FSH) وهرمون البرولاكتين
وتسوي لك اشعة صبغه
صحيح بدري عليك وانتي لسه باول الطريق ان شاء الله بتحملين قريب بس لا تقلقين
اكثري من الاستغفار والصدقه
اهم شي قللي تفكيرج بالحمل وتحملين ان شاء الله صدقيني
اشربي ميرميه من بعد الطهر من الدورة ولمده اسبوع وان شاء الله تحملين بنفس الشهر