الدكتوره كاميليا والتكيس

مرحبا خواتي
انا متزوجه من 3 سنوات وماحملت بسبب التكيس ورحت امس عند الدكتوره كاميليا
وقالت لي اخذي حبوب كلوميد من ثاني يوم الدوره ومن اليوم الخامس اخذي كل يوم ابره لمده 4 ايام ومنعت عليه الدياي واللحم .
مب عارفه اذا حد جرب نفس العلاج او لا يعني ان شاءالله فيه نتيجه من العلاج عندها بأذن رب العالمين ؟؟؟؟

انا مرة أخوب عندها تكيس و خضت العلاج صح يطول بس حملت وعندها بنوته

آآآآآآآآآآآآآآآآه انا ام التكيس خخخخ بس عندي ولد وياني تكيس بعد مرة ثانيه

الدكتوره كامليا علاجها توووب والحمدلله انا اتعالج عندها حاليا
وعطتني نفس العلاج بالضبط اللي عطتج اياه
وعسى خير ياااارب ^^

الله يشافيج اختي من التكيس وتحملين باذن الله .. بس شو يخصه الدياي واللحم بالتكيس ؟؟؟؟ خلاص بامتنع عنهم والله يرزقنا….

انا الي كان عندي كيس دم وسويت عملية في مستشفى الامارات عند الدكتور سعيد شاكر وبعدين عطاني 6 ابر
ابرة وحده في كل شهر وهاي الابرة تقطع الدورة عشان الكيس ما يرجع بس المشكلة في ريلي الله يعافيه

الغاليه انا كان فيني تكيس بسيط و الحمدلله رب العالمين خاز عني من بعد الله و الحجامه.
دكتورتي النسائيه كانت تبا تعطيني كلوميد و ابر عسب احمل بس انا ما رضيت…اتمنى الله يرزقني طبيعي بدون منشطات. و الله كريم.

بس احيد الدكتوره قالت لي ان الحرمه تروم تحمل على التكيس بالكلوميد. ووايدين الحمدلله الله رزقهم بس في المقابل (بنات هنيه في القسم) من شهور مجربين الكلوميد و ما حملن.

كله رزق من رب العالمين.

الله ايسر لج غناتيه و ان شاء الله تحملين.

هيه الغاليه اللحم و الدياي كله هرمونات (و خصه الدياي معروووووووف) و الهرمونات الزايده مب زينه للحرمه و هي سبب من اسباب تأخر الحمل في دول الخليج (حسب كلام الدكاتره)…

حاولي تخلين يوم واحد بس دياي و يوم لحم و الباجي خليج على العدس و البقوليات (لانها مصدر للبروتين) و السمج

و الله يرزقنا جميع الحمل السليم و الثابت يااارب.