الدكتوره نهله والا جوان والا اميره شو تنصحوني وين اربي ساعدوني

بنات بليز ساعدوني انا شفت الموت في ولادتي الاولى وصابني اكتئاب شديد بعد الولاده والحين انا خلاص بدا العد التنازلي وزاد التوتر وين اربي بليز بنات لا تبخلون علي رايكم يهمني لانه ابغي افتح ملف في مستشفى بربي فيه ولين الحين خايفه ومتردده ؟؟؟؟؟
-جوان هذي عندها عياده في الشارجه تولد في الزهراء
-اميره تولد في الزهراء بس انا متخوفه منها وايد سمعت ولاداتها كله قيصري
-نهله كل حد مدحها بس وحده من معارفنا ولدتها بس البيبي توفى وما تمدحها

ساعدوني بليز انتظركم

حبيبتي أنا اراجع عند الدكتورة نهله بس مفكرة اني اربي في الحكومه احس انهم أحسن ما أعرف ليش مع انه نهلة شاطرة الله يحفظها

أنا أراجع عند الدكتوره نهله واحس أنها زينه مع انا في ناس ماتمدحها….ماأدري ليش؟؟…….بس إنشاء الله بربي في مستشفى دبي وماايد الولاده في المستشفيات الخاصه لأن ماتتحمل المسؤوليه إذا لاسمح الله أستوى شي

والسموحه منك….

اختي انتي مع اي دكتورة تتابعي فحوصاتك

انا انصحك انك ما تروحي تربي عند دكتورة فقط لانه البنات مدحوها

انتي قابلي الدكتورة اللي تحسي انك مرتاحة لها

و اذا قابلتيها و حسيتي انك مرتاحة و تاكدتي انها هي اللي بدك اياها توكلي على الله

انا بعد ما احب المستشفيات الخاصه أفضل الحكومي خبرتهم أكثر.

انا الحين في السابع ولين الحين كل يوم اراجع مكان يعني كل يوم مستشفى وادري انه غلط بس شو اسوي ما احصل مواعيد وكله زحمه الحين والله محتارة ما اعرف وين اربي ؟؟؟؟؟ ساعدوني

اختي العزيزة أنا أقترح عليج أنج تفتحين ملف في الوصل،، أنا جربيتهم عدة مرات وهم وايد ممتازين قابلاتهم وايد متبرظين ، وبعدين يوم تربين في مستشفى حكومي مجهز بكل الاجهزة تطمنين أكثر، أنا مره الله رزقني بيبي مريض لو ماتلاحقوه بجهاز التنفس جان راح بس الحمدلله الله لطف