ماكتبت هالشي الا انه منكسر قلبي على خواتي اللي يداومن في هالايام والتعب والارهاق بادي في ويوهن …
والله الحال صعيب مع بداية النصف الثاني … نزلات البرد صايبه معظم المدرسات .. هذا غير عيالهم المرضى في البيت … هذا غير الامراض اللي تنتشر بسرعه في وقت الشتا مثل الزكام وتوابعه وبعد الرمداللي قاعد ينتشر لانه الجو وايد بارد والمهب تشل الفيروسات وتوطي …. هذا غير النشه من صباح الله خير في الظلام عشان الدوام وخصة للي يداومن في مدارس بعيدة واللي يداومن في مدارس الاولاد اللي تبدا مبكر … واللي عندها عيال لاتواحي تنشرهم مدارسهم ولا انها تنشر وياهم وكله عالخدم اللي مايسوون الشغله كيف مانبا …. هذا غير طابور الصبح اللي مامنه فايدة الا الطلبة يتجمدون من البرد والمعلمات واقفات كانه حد ماسك لهن عصا عشان يسمعن الاذاعه …
من 3 اسابيع اشوف خواتي لاتهنن باجازة ولا برحله ولابعيد .. مانقول غير الحمدلله يارب على كل حال … راحت الاجازة لانه واحد من العيال مريض وكل يوم رحله للمستشفى .. وان شفا واحد مرض الثاني .. ويروح وقت الام مسكينه والا هيه تعابل عيالها … ولاتهنت بيوم واحد … ولين الساعه والعيال مرضى .. الحمدلله على كل حال … بس ليش هالوقت مانخذ في الحسبان … ليش اللي قرروا اجازات وامتحانات ماشافوا انه الوقت هذا صعب فيه الدوام … الكل مريض الكل مش صاحي … ولو انته صاحي اهلك مش صاحين …. ليش افقهم ضيق بهالشكل بحيث انهم مافكروا بموضوع الاجازة الا من منظور واحد !!!!!!!!!!!! اونه عشان اجازة المدارس الحكومية تتوافق مع اجازة المدارس الخاصة …!! بس هذا السبب؟؟؟ وين الافق الواسع في هذا الموضوع الحساس ؟؟؟؟؟
مادري يالوزير هل يعجبك انه في ناس متنعمين في دفا مكاتبهم وفيه ناس كل وقتهم للمدرسة ياخلف الله عليهم فوادهم عند عيالهم والبرد لافحنهم والحسافه في قلبهم عليهم …..
هذي ابسط الامور اللي ممكن تنحل بدون أي تعقيدات …. بس مانقول غير لاحول ولاقوة الا بالله.
مانقول غير الله المستعان …
والله والله مب قادرييين نتحمل البررررررد برررد بشكل فظييييييييع وحتى لو لبسنا جاكييتااات نرتجف
بس لا حياااااااااااااة لمن تناااااااااااااااااااااااااااادي
الشكوى لله
والثلج محاصرنا…يعني الواحد لازم ياخذ جميع الاحتياطات..والسموحه….نسيم الامارات
الله المستعان … والله يعينا
فن وابتكار .. لازم صح ناخذ الاحتياط ونحاتي عمارنا لان محد بيحاتينا
بس منوه بيحاتي الامهات الله يعينهن ويهون عليهن امراض عيالهن
لقد أسمعت لو ناديت حيا :: ولكن لا حياة لمن تنادي
..
أغلب الدول المجاورة هالحزة يمتحنون .. ويايتنهم الاجازة في الطريج
ونحن استعيلنا ع الفصل الأول ركضنا فيه ركيض .. عسب نوفي
المقرر ونخلص الدرجات ونسلم الأعمال قبل العيد مباشرة .. و ع الفصل الثاني
ما شالله .. صح أريحية وبحبحة ..
من شهر واحد إلييييييييييييييييين شهر خمسة بالنسبة
للطلبة ولين آخر ستة بالنسبة للمعلمين .. مقابل أيام أقل للفصل الأول ..
لا توازي ولا توازن بين الفصلين ..
بس ما أقول غير ربي يعين ^ــ^
~::~