الدوره اليوم 30 ولا شرفت

الدوره اليوم 30 ولا شرفت وسويت فحص الحمل المنزلي باليوم 25 وانا اعرف ان الفحص المنزلي دقيق ودوم يضبط عندي بس طلع خط واحد وفييني آلام دوره من اسبوع تقريبااا واحس بصدااع فضيع
الحين شوروا علي شو اسوي؟؟؟؟؟؟؟؟؟ هل اروح اعيد الاختبار؟ منو استوالها شراتي ؟؟؟؟؟ ولا اتريااا الدوره جم من يوم ؟؟؟؟؟؟
المشكله اني يوم احمل لازم ابرتثبيت لان ظهري ضعيف واسقط بسرعه ومافيني اروح العياده وتقولي مافيج شي يعني ما فيني اضيع وقتي

ويزااكم الله الف خير

الموضوع رقم 2
مشكووووووووورين عالردود
بس الدوره نزلت اليوم بعد ما كتبت الموضوع مباشره حسيت بآلام فضيعة ونزلت الظاهر ا ن دورتي استوت 30 موب 28 ع اساس قبل كانت متلخبطة بسبت اني سقطت والحمد لله واخذت حبوب تنظمها لي وتنظمت بس قبل 28 اشرف اما الحين شكلها 30

اعتقد هذا السبب في تاخرهاا هذا اذا محد عنده راي ثاني افيدوني؟؟؟؟؟؟؟؟

دخيييييييلج انا مثلج لين الحين ما يتني الدوره اخر معد خلص فيه كااان 15 ولين الحين اتريا متى بتيني ويوم سويت فحص الحمل المنزلي يمكن من اسبووع او اكثر كان خط واااحد واله خااايفه اكووون حامل الصراحه ما ابا لان ولدي عمرة 4 شهووور ومسويه عمليه قيصريه اسميني راااح اتعب اذا حملت رووحي فيني فقر دم

الله يعييين ويسهل علينا

مشكوره عالرد فديتج
وان شاء الله البنات ايفيدونا

افهم من كلامج بأنه الدورة متأخره عليج…؟؟؟؟

فإذا متأخره و تبين تقطعين الشك باليقين ما شي غير أنج تسوين تحليل دم و هو بيعطيج النتيجه الاكيده

سيري سوي مال الدم اكيييد بيظهر اذا انتي حامل ولا لاء

وان شاء الله تكونين حامل ^__^

سلامتج اختي كاتبة الموضوع والاخت الي فيها نفس الاعراض انا صارت لي نفس الاعراض قبل الدوره وسويت فحص اختبار الحمل ما بين الا خط واحد بس يوم سرت المختبر وسويت تحليل الدم بين اني حامل وفي الاسبوع الثالث والسموحه بس الافضل بدل ما تحاتين سوي تحليل للدم والله يوفقج الجميع لكل خير

اول بادي سيري سوي فحص للحمل

اذا تبين الدوره تنزل اشربي جرفه مع زنجبيل و فلفل اسود اشويه صح حار بس صدقيني عقب كمنكمن ساعه بتنزل و حاولي تشربينها اشويه تكون حاره ..
او اكثري من شرب ماء زمزم او شرب عصير الاناناس …