طال غيابي عن الساحة الفنية … مع اني ولله الحمد و المنة تطورت وايد في الطبخ … سواء الحلو او المالح .. و كل مره اقول في خاطري ابا اتشارك ويا خواتي الوصفات بس وايد انشغل …. لكن ان شاء الله ببدأ احط لكم الطبخات الي اشوفها مميزة و حلوة و سهله … للحلوات ^_^
اليوم بعلمكم كيف تسوون الرافيولي … و هو نوع من الباستا الي يكون محشي بجبن الريكوتا
بذكر لكم نوعين نوع مع الصلصلة الحمرا و نوع مع الصلصة البيضاء
اول شي ببدا الي مع الصلصة البيضاء ..
بنحتاج الرافيولي .. و بتلقونه في السوبرماركت … اضمن شي سبينيس ..و بيكون في الثلاجة في قسم المكرونة الطازجة و هاي صورته:
[IMG]
[/IMG]
و بروكولي مقطع و مشروم شرايح و بصل مفروم و ثوم مهروس و صلصلة الالفريدو الجاهزة بحطلكم صورتها..
الطريقة ..
طريقة طبخ الرافيولي بسيطة جدا .. تغلين الماي و من يبدا يغلي تحطين الرافيولي و تخلينه يفور مدة 5 دقايق و تشخلينه و تخلينه على صوب..
بعدين تحطين زبدة في الجدر .. عقب عليها البصل و الثوم و من يستوي ذهبي نحط المشروم+ البروكولي مع بعض و انتبهي ما ينطبخون وايد لأنه اذا ذاب البروكولي يطلع موول مب حلو لا شكلا ولا طعما وحتى قيمته الغذائية تروح ..
و ثم ..
بعد ما تحسين انه المشروم انطبخ تحطين عليه الرافيولي الجاهز .. و عليه الصلصلة البيضاء …
و بالهناء و الشفاء
استخدمت الصلصلة الحمرا هالمره من نفس البراند .. بس بالطماطم و الريحان هاي اللي على اليسار
و طبعا نفس الخطوات .. النقانق و المشروم في الجدر مع الزبدة .. ماحصيت بصل و ثوم .. كان سريع سريع .. و عليه الصلصلة و حطيت فلفل اسود و ملح شوي .. و عقبه الرافيولي .
و بالعاااااااااااافية
المشاركة الأصلية كتبت بواسطة ام هند2017 
الله يسلمج حبيبتي ……. و سيري سويها على العشاء ما يبالها شي و لذييييييييييييييذة
اللهم مصرف القلوب صرف قلوبنا على طاعتك"