اللي تقول زوجي مش رومانسي …
لو عندك واحدة من المشاكل التالية فهالموضوع لكي:
تلبسين .. تتعطرين .. تحطين مكياج .. تكشخييييييييييين … يجي البيت .. ما يعطيكي وجه ولا كأنك لابسة شي .. سوالف وضحك وعادي يعني مش زعلان .. بس ما ينتبه انك كاشخة … تمدي بوزك (زوجي مش رومانسي!!! زوجي ما يحبني!!!)
سويتي عشاء فاخر .. على ضوء الشموع .. شي متعوب عليه .. جو جداااااا رومانسي .. لابسة وكاشخة .. وريحة البيت تهببببببببببل .. وريحة الأكل تهبل أكثر!! … يدخل البيت .. يا انه يقول تراني متعشي أو شبعان أو مالي نفس اكل .. أو يقول ليش قاعدة بالظلام ويفتح النور ويطفي الشمع .. ياكل بسرعة ويقوم .. مش زعلان ولا شي بالعكس يسولف ويضجك .. بس ما كأنك مسويه جو رومانسي ,, تمدي البوووووووز (زوجي مش رومانسي!! زوجي ما يحبني!!)
اشتريتي قميص نوم جديد .. بس ايش قميص!! .. شي مش طبيعي!! .. اثارة ودلع وشي يدوخ الراس!! .. ومعاه شبشب وروب وحركات بالشعر .. كاشخة فيه مع الماكيج والعطر المثير .. ناثرة ورود على سريرك وحاطة لمبات كلها حمراء .. يجي البيت .. يدخل الغرفة .. يبتسم .. يا سلام وش هالحركات؟؟ .. مبسوط .. يغير ملابسه .. يطلع بالصالة … يتعشى .. يدخل الغرفة يرمي نفسه على السرير .. ينام .. تمدي بوزك .. (زوجي مش رومانسي!! زوجي ما يحبني!!)
جبتيله هدية بالعيد .. أو بمناسبة مولودكم البكر .. أو ترقية بالشغل .. أو أي مناسبة بينكم … مغلفة وتجنن .. مسوية كيكة بسيطة وكتبتي عليها (كل عام وانت حبيبي) .. كااااااااشخة مثل عادتك .. يجي البيت .. تسلمين على الهدية .. بس أنا ما جبت لك شي .. أو يقول بس تراني ما اعترف بهالاشياء .. عادي حبيبي مش لازم .. وطبعا انتي عارفة في بالك ان هالشي يصير كل عيد .. وكل سنة .. مش اول مرة .. ما يهدي ولا شي ..ولو أهداكي شي يهديكي خلاط مولينكس أو قدر ضغط .. ويا ليت مغلف!! .. تمدي البوز (زوجي مش رومانسي!! زوجي ما يحبني!!)
تكتبين خواطر او شعر من زمان .. وتنتظرين تتزوجين عشان تكتبين حق زوجك .. وفعلا .. كتبتيله كلمتين تدوخ اللي ما يدوخ .. تسلمين .. بس تراني مش راعي هالاشياء ولا افهم فيها .. ويحطها على الطاولة ويغير قناة التلفزيون .. تمدي بوزك (زوجي مش رومانسي!! زوجي ما يحبني!!)
تطالعون حفلة بالتلفزيون أو جا مقطع موسيقي .. قمتي رقصتي .. يدور براسه عشان يتابع الفيلم .. او يبتسم ويقول لك ياحليلك بس تراني متابع الفيلم .. تمدي بووووووووووووزك (زوجي مش رومانسي!! زوجي ما يحبني!!)
زوج صديقتك سوالها شي رومانسي .. زوج اختك شرالها هدية رائعة .. زوج بنت عمك وداها سفرة مفاجئة .. زوج جارتكم يقول كلام غزل يدوخ .. أخو زوجك ما يطلع من البيت الا مع زوجته .. أخوكي ما يسافر الا مع زوجته .. تمدي بوزك (زوجي مش رومانسي!!! زوجي ما يحبني!!)
ترسلين لزوجك مسجات حب وغزل على جواله … ما يرد عليها … أو يقول لك وين ما شفت شي .. أو يقول لك خرابيط .. أو يقول ما احب هالاشياء .. تمدي بوزك (زوجي مش رومانسي!! زوجي ما يحبني!!)
متخانقين .. بينكم مشكلة .. طلع من البيت .. اكتشفتي انك غلطانة .. كشختي وانواع اللبس والاغراء .. جا البيت .. سامحني حبيبي .. ويطلع منك كلام ما قد قلتيه .. ايش غزل وايش حب .. يقول خير ان شاء الله مسامحك .. يحط راسه وينام .. تمدي بوزك (زوجي مش رومانسي!! زوجي ما يحبني!!)
خلينا نطلع نتمشى الجو حلو ونسولف .. بأسوي غداي نروح ناكل على البحر ونسولف .. نفسي نشتري قهوة ونشربها بالسيارة ونسولف .. ودي نفرفر بالشوارع شوي ونسولف … (انتي ما تشبعين طلعات وسوالف؟؟ توني مطلعك دكتور كيف قبل شهر وسولفنا .. ترا انا ما احب السوالف الكثير) .. تمدي البوز (زوجي مش رومانسي!! زوجي ما يحبني!!!)
زوجك تعبان .. متضايق .. نفسيته تعبانة .. ضايق صدره .. (لبست وكشختله وقمت ابوسه واتدلع عليه ابيه يطلع من هالمود حقه ما اعطاني وجه ولا كأني عنده) .. تمدي البوز (زوجي مش رومانسي!!! زوجي ما يحبني!!)
وبعد كللللللل هالابواز .. يجيكي (وش فيكي؟؟ زعلانة؟؟ في شي؟؟) .. (لا ما فيني شي!!) .. (زين) .. ويفتح الجرايد يقراها .. والبوز يزيد ويزيييييييييد!!!
صح هالكلام يصير ولا لأ؟؟؟ ..
ومش مرة او مرتين ..
داااااااايم ..
ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ ..
:1 (37): :1 (37): :1 (37): :1 (37): :1 (37): :1 (37): :1 (37):
المشكلة ان احنا الحريم نعامل الرجال كأنهم حريم مثلنا .. نحل مشاكلهم كأننا نحل مشاكل حرمة .. وهم مش مثلنا لا في تفكيرنا ولا في نفسياتنا .. والمشاكل كلها تصير من هالشي .. كيف؟؟ ..
كل الرجال مش رومانسيين … لاحظوا اني قلت كلللللللل .. ليش قلت كل؟؟؟ ليش عممت؟؟ .. لأن مفهوم الرومانسية عندهم غير عندنا .. وكمان توقعاتنا احنا الحريم توقعات افلام ومش واقعية .. وطريقة تعبيرنا عن الحب والشوق غيرهم .. افهمكم ..
مشكلتنا .. نعبر عن حبنا ورومانسيتنا لهم بنفس الطريقة اللي نبيهم يسووها معانا .. مش بالكريقة اللي هم يحبونها .. اللي تحب الاشعار تكتبله شعر ولا حتى تفكر لو زوجها من النوع اللي يحب الاشعار ولا لأ .. اللي تحب الشموع والضوء الخافت تسويله هالشي بدون ما تفكر هل هو من هالنوع ولا لأ .. بعدين نتضايق لو ما اعطونا وجه .. وهنا المشكلة الدااااائمة!!!
أمثلة ..
الرجال لما يضيق خلقه يحب يقعد لحاله .. ولو جا شكالك معناها يبي منك حل .. ما يبي كلام زايد ولا غزل .. لما زوجك متضايق وتجين تلمسين فيه وبوس ووش وفيك وانت حياتي وقلبي وما اقدر اشوفك زعلان وووووو تراكي تزيدين عليه .. عقله ماهو معاكي الحين .. عقله في مشكلته وطريقة حلها .. اتركي الرجال في حاله!! .. خليه يتضايق!! .. من حقه .. ما يبي احد يكلمه .. هم كدا .. غيرنا .. احنا لما نتضايق نبي كل العالم يدري ونبي احد نفضفضله .. مش لازم حل بس نبي احد يقول لنا (والله صار لك كدا؟؟؟ يا حياتي!!! ضيقتي صدري عليكي!!) .. حتى لو ما انحلت المشكلة بنحس براحة .. زوجك لما يشوفك متضايقة.. ويسألك فيكي شي .. وتقولي ما فيني شي .. ويقوللك طيب ويطلع .. مش معناها ما همه .. معناها انه قاعد يعامل مثل ما هو يبي .. الرجال لمل يتضايق يبي اللي يتركه في حاله .. وهو لما يتركك على ياله انك مبسوطة كدا ما تبين ازعاج .. وانتي لما تلزقين فيه وش فيك حبيبي زعل الدنيا ولا زعلك وهااااااتك يا بوس ويا تحضين على بالك انك تبسطينه .. لأنك ودك لما تتضايقين انه يسويلك كدا .. بس هو يتضايق يبي بس يقعد لحاله يفكر .. وينقهر منك .. هم كدا .. واحنا كدا .. وربي خالقنا كدا!! احسن شي تقوليله (انا شايفتك ضايق صدرك .. بأخليك لحالك بس ابيك تعرف تراني بالصالة لو تبي تتكلم او تبي شي تراني قريبة اسمعك ناديني بس) .. وابتسمي واطلعي من الغرفة .. والله بكدا تريحيه من ناحيتك ويصير يفكر بمشكلته على راحته ..
الرجال ما يحبون يشيلون هم شي!! وانتي اول هالاشياء!! .. لا تخليه يشيل همك!! .. انا ما انتكلم عن وقت مرضك او مستشفى او حاجات ضرورية .. انا اتكلم عن اشياء بسيطة واشياء ممكن انك تتغاضين عنها .. مثلا .. لما يكون متضايق .. وتجيه تبوسيه .. وما يعطيكي وجه بحكم طبيعته كرجل .. وتضربين بوز وتطلعين من الغرفة .. الحين صار يفكر في زوجته اللي زعلت وفي مشكلته اللي هو متضايق منها .. يعني هم فوق هم .. حاولي انك ما تكونين احدى مشاكله او احدى الامور اللي لازم يفكر فيها طووووول الوقت ولا بيكرهك!! .. مثلا يبي يطلع مع اخوياه .. وانتي ما تبيه يطلع هههه زي عادتنا .. فكري .. هل بتضايقك طلعته اليوم مرة؟؟ لو كان الموضوع عادي ليش تضيقين صدره؟؟ .. لأنك عارفة ان الرجال يعاند .. لو قلتيله لا تطلع بيطلع لو بس عناد فيكي لأنه ما يحب ان زوجته تجبره على شي .. فالخيار عندك .. يا انه يطلع وهو متنكد واعصابه تعبانة وشايل همك .. او انه يطلع وينبسط؟؟ .. وانتي اصلا مش فارقة معاكي طلعته بهاليوم مثلا … ليش تخليه يشيل هم بدون داعي؟؟ .. ولما يطلع ارسلي رسالة (انبسط ووسع صدرك) بس كدا .. وشوفي كيف بيرتاح
الرجال ربي ما اعطاه القدرة على التفكير والعمل على اشياء مختلفة في نفس الوقت مثلنا .. يعني ما يقدر يفكر في زعلك زمشكلته بنفس الوقت فيتوتر!! احنا الحريم نقدر نتكلم على التلفون وندرس عيالنا ونطبخ في نفس الوقت .. ربي معطينا هالميزة .. ولاحظي نفسك .. تسوين 100 شي وتفكرين في 100 شي فس نفس الوقت .. سبحان الله .. الرجال ما يقدرون .. شوفيه واحكمي ..
الرجال ما يحب الروتين والاشياء الموقتة .. لما يجي البيت يلقاكي كاشخة ولابسة وورد وشمع يعرف انك تبين اللي بالي بالك .. ولا شعوريا يرفض ويتجاهل لأنه ما يحب يجي الشي كدا بالاجبار كأنك تقوليم (انا لابسة تراني ابي شي يعني روح اتعشى وغير ملابسك ويالله على الغرفة) .. يحب يجي الشي عفوي .. ما يحب يحس انه لازم يسوي شي .. يبي يحس انه هو يبي يسوي شي .. تبينه ينبسط؟ .. خليكي دايم كاشخة .. ولما يقول لك يبي شي .. قللي من الرفض .. يعني خليكي مستعدة دايم انه يبي .. ولو انتي تبين .. ابدي .. مش عيب .. بالعكس كدا بتشيلين الضغط من عليه وتخلينه مرتاح انه مش مقصر ..
:1 (67): :1 (57):
مفهوم الرومانسية عندهم مش ورد وشمع ونور احمر .. يعتبرون هالشي كلام افلام واحلام .. الرومانسية عندهم انك لما تشوفينه متضايق تتركينه لحاله وتودين عيالك بالغرف عشان ما يزعجون بابا .. انه لما يجي البيت يلقى نفسيتك كاشخة (مش بس ملابسك كاشخة) .. وياكل ويقلى الجرايد جاهزة وووو .. الاشياء اللي يحبها هوووووووو مش اللي تحبيها انتي … رضاه سهل ..
:1 (57):
الرجال ما يحب ولا يعرف يقرأ الافكار .. ما يحب يشوفك لابسة وبعدين يفكر (يا ترا هي تبي ولا بس لابسة كدا؟؟) .. الرجال ما يقرون بين السطور ولا يحبون يحاولون اصلا .. تبين شي خليه وااااااااضح!!! .. لما يسألك ليش زعلانة لا تقولين (مافيني شي!!) (يعني ما تدري؟؟) .. قوليله (متضايقة منك بس مابي اكلمك الحين) (متضايقة من موضوع ماله دخل بالبيت) (ضايق صدري بس مادري ليش) .. النغزات ما يفهمووووووونها وبالعكس توترهم وتخليهم تحت ضغط كبير وما يفهمون ويتضايقون .. ريحيه يريحك ..:1 (66):
الرجال بطبيعته اناني .. لما يرتاح يريحك .. والحرمة بطبيعتها معطائة .. تعطي قبل ما تاخد .. وهالميزتين ربي معطينا اياها عشان نكمل بعض .. بس مش تعطيه الشي اللي انتي تبيه .. هالشي يعتبر انانية رغم انك تعطيه وتعطيه وتعطيه .. بس مش اللي هو يبيه .. فما تنحسب لك ابد .. عاملي زوجك مش مثل ما تحبي انه يعاملك .. عامليه مثل ما تعرفين انه يبيكي تعامليه .. وهالشي سبب الخلافات اول الزواج .. وسبب ان الخلافات تقل مستقبلا انك تفهمين زوجك وتحاولين تعطينه اللي يبيه .. وقتها تنحسبلك نقاط .. الحرمة هي اللي تبدأ بالعطاء وتلقى النتيجة ولو بعد حين .. عشان كدا نسمع دايم (انا سويتله وسويتله وسويتله!! دايم البيت فيه شموع وورد والبس واكشخ وابوسه واضمه واسمعه كلام غزل واشعار واهداءات بس ما همه .. يطنشني) طيب .. حلو .. بس هو يبي كدا؟؟؟ ولا انتي اللي تبي كدا؟؟؟ .. فكري فيها شوي .. والرجال دايم يقولون (زوجتي مش فاهمتني!! ماني قادر اوصل معاها لحل!!) .. ليش؟؟ لأنك مانتي فاهمة هو وش يبي ..
كل هالكلام مش معناه انه ما يحبك .. معناه ان ربي خالقه غيرك .. هو رجال وانتي حرمة .. رومانسيته ممكن تطلع بس بطريقة غير وبوقت غير واسلوب غير .. بس لما تطلع اعرفي انها طالعة من قلب!!! .. يعني لما يدخل البيت ويلقى كل شي على حسب اللي هو يبيه (مش اللي انتي تبيه) ويقول كلمة مثل (اوووووووف ما صدقت ارجع البيت!! الواحد يرتاح ويريح اعصابه ويروق!!) هالكلمة لحالها قمة الرومانسية والمدح لكي انتي يالهبلة ههههههههه تدرين اكيد فيه رجال يتهربون من بيوتهم .. اعتبريها حركة رومانسية وافرحي!! لأنك ما راح تسمعيها دايم تبين تسوين له شي يعتبره هو رومانسي بالنسبة له؟؟ .. قوليله (ايش رايك هالويك اند اروح عند اهلي وانت ضبطلك طلعة مع الشباب روحوا البر او الاستراحة واقعدوا هناك الويك اند وغيروا جو .. احسك من زمان ما طلعت طلعة زي كدا) .. والله العظيم بيكون مفعولها عليه اكبر من مفعول الشمع والورد .. ليش؟؟؟ لأنه شي هة يبغاه مش انتي تبغيه .. وبيعتبره قمة الرومانسية
0000
منقول
الله يوفج ويعطيج ألف عافية
الصراحه من قريته قلت هذاء الموظوع لازم انزله
انا اللي اعاني منه، مع اني لين الحين مالجه المفروض انه يكون في قمة الرومانسيه معاي
بس شو اسوي طبعه جيه،،،،
الله كريم،،،
مشكوره ختيه على الموضوع^_^
موضوعج وايد حلو
يزاج الله الف خير