الرحم مقلوب يعنــي اقدر

السلام عليكم والرحمه

شحالكم خواااتي

ان شاء الله طيبين ..

والله اني حيل متضايجه اليوم رحت عياده الحريم اللي عندنا ..

عسب اكشف على نفسي .. الحمدلله الدكتورة قالت لي ما فيج شيء وكل شيء اوكي بس الرحم عندج مقلوب ,,

قلت لها عادي يعني ما في اي مشكلة قالت لي لا ,,, والله خيفانه ابغي اعرف اذا حد كان نفسي وحمل … وعنده يهال ولا لا ,,,, يعني شو اسوي والله بلييييييييييييز نصحوووني ,, هيه قالت لي ما في مشكلة بس الرحم مالج عند الظهر عسب جي يعورج

حد فيكن خواتي كان رحمها مقلوب وحملت والبيبي طلع اوكي بليز فيدوني

والله يجازيكم الخير..

هيه الغالية لاتحاتين وحده من الأهل كان رحمها مقلوب والحين من فتره ربت ويابت ولد الحمدلله ,,
لاتحاتين بس لاتهملين وصايا الدكتور…

مشكوووووووووووووورة الغالية يعني عادي اقدر احمل ما في اي مشكله ؟؟؟

الغاليه كيف اتحملين و الرحم مقلوب ما يستوي
و اذا صاار حمل "يطيح لا سمح الله"
لانه الرحم بغير وضعه الطبيعي
انا كان عندي الرحم محتاااااااس و امسحتني يدوه و الحمدلله ..
حتى يوم بتمسحج بتحسين بشي تبغي تعدله و بتسمعين شرا النقعه بس ما يعور واااايد
و انشالله خير حبوبه..

آمين يارب,,, يعني ما اقدر احمل جي …؟؟؟؟

بليييييييييييز فيدوني الدكتورة قالت لي عادي تقدرين ,,, ما في اي مشكلة ويوم بيكبر بطنج الرحم بيرد لمكانه الطبيعي,,,

خلي حد يمسحج ويرده مكانه لإن إختي إتأخر حملها لنفس السبب ولكن بعد ما مسحتها حرمة حملت ويابت عيال

يعتمد الغاليه يمكن محتاس شوي بس مش مقلوب تماما

لانه لو لا سمح الله كان مقلوب الدكتور بتقولج انه مقلوب

انا بنت عمي عقب اول ولاده انقلب عندها الرحم بس قالولها لازم تسجدين مثل شجود الصلاه كل يوم نص ساعه و الحمد لله رب العالمين اعتدل و يابت ولد ثاني

انا انصحج تسجدين على فترات متفاوته يعني تطولين في سجود الصلاه و اذا شفتي عمرج فاضيه و محد عند تمي ساجده كثر ما تقدرين مب شرط راسج على الارض المهم وضح الجسم من تحت وضع السجود

جربي و انش اء الله يا رب يعتدل و نشوفج بكروشتج