الرشوفه

ابى اعرف كيف تتسوى الرشوفه( الحبة الحمرا ) اذ في اي وحده تعرف تخبرني يزاكم الله خير

بسال ماما باجر وبخبرج

لانها هي تسويها النا

طريجتي
يبي جدر وضعي فيه ماء تقريبا دبة ماي مسافي
ضعي (نصف فنجان الحبه الحمرا-ملعقه صغيره جرفه-نصف ملعقه صغيره كركم-ملعقة طحين -ملعقهسمن عربي -ربع ماعقه صغيره الحبه السوده-شوية حلبه -وشوية سنوت مطحون-لاتنسي السكرغلى حسب الزوق)
يقلب جيدا ويوضع على النار مع التحريك حتي الغليان لمده دقيقتين ثم يخفض على النار على الاخر ويغطى لمده نصف ساعه مع التقليب من حين الى اخر واذا اراد ماء زياده زيديه شويه
ان شاء الله تضبط وتنال اعجابج

اترياج حبيبتي ومشكورة ما تقصرين

يعطيج العافيه على الطريقه

هلا…
والله ياالغالية أنا طريقتي … خذي غرشة حليب أبقار العين 1 لتر وصبيها فجدر وحطيها ع النار وحطي فنجان حبة حمرا ونص فنجان حلبة إذا تبين تحطينها وفنجان سكر وإذا تبين أكثر سكر حطي وخليه ع النار وحطيله شوية كستر مذوب فماي وصبيه عليه اخلطيه وآخر شي شوية زعفران واطبخيه ع النار شوي والهنا والشفا..
هالطريقة دوم أسويها وابصراحة تعيب اللي يشرب منها..
الغالية إذا تبينها نفس الكريمة زيدي الكستر فيها..

هلا…
والله ياالغالية أنا طريقتي … خذي غرشة حليب أبقار العين 1 لتر وصبيها فجدر وحطيها ع النار وحطي فنجان حبة حمرا ونص فنجان حلبة إذا تبين تحطينها وفنجان سكر وإذا تبين أكثر سكر حطي وخليه ع النار وحطيله شوية كستر مذوب فماي وصبيه عليه اخلطيه وآخر شي شوية زعفران واطبخيه ع النار شوي وبالهنا والشفا..
هالطريقة دوم أسويها وابصراحة تعيب اللي يشرب منها..
الغالية إذا تبينها نفس الكريمة زيدي الكستر فيها..