مرحبا امهات .. انا عندي بيبي بيكمل 3 شهور .. مشكلتي انه مايرضى ياخذ حليب صناعي كله يشرب من صدري .. وهالشي تعبني خاصة اول يوم رمضان .. طحت عليهم مريضة لوعة ودوخة وحمى .. لاني بعد ماكنت متسحرة.. والحين صار لي يومين فاطرة عسب الادوية .. بس ما اعرف كيف بصوم وانا بعدني مريضة اعاني من الكحة والبلغم ومرات تقبضني حمى تهد حيلي .. والله بالعافية اقوم ارضع ولدي .. هاي المشكلة الولى
ثاني مشكلة ارقاد ولدي الغير منتظم .. احسه مرات يرقد وايد ..وخاصة اذا مقمط ؟؟ مرات ابغي اقومه من رقاده هالشي عادي ولا؟؟
ثالث مشكلة وهي غسيل المنطقة .. هل المفروض اني اغسل المنطقة بصابون كل مايسويها؟
أول شي بخصوص الرضاعة…..
الرضاعة الطبيعية مهمة لج انتي (تعدل جسمج وترده نفس ما كان قبل الحمل) وللياهل (تمده بكل اللي يحتاجه) وأكيد تعرفين هالسوالف بس حبيت اتفلسف شويه خخخخ
بس عشان تستمرين فـ رمضان لازم تحاسبين ع نفسج عدل لأن الرضاعة تاخذ من جسمج وبتحتاجين تعويض عشان ما تتعبين
** استمري عالحبوب اللي كنتي تاخذينهم عالحمل (فيتامينات وكالسيوم) لأنج بتحتاجينهم
(ولدي 8 شهور وما كنت آخذ الحبوب، ما حسيت بالتعب الا من فترة بسيطة والدكتورة نصحتني أتم عالفيتامينات)
** تسحري عدل .. مب لقمة وشربتين ماي لااااا اكلي وجبة كاملة …. لا تطنشين السحور لأنه بيعوضج عن فترة الصيام ( لا تنسين المرضع تحتاج تغذية أحسن لنفسها وعشان الحليب)
أنا ما أرضع ولدي نفس قبل لأنه صار ياكل بس بعد اذا ماتسحرت اتعب وأيوووع وايد !
** كثري من السوائل والماي قد ما تقدرين (عالسحور، عالفطور، قبل لا ترقدين، يوم تنشين ترضعين ولدج فليل) خلي عدالج غرش ماي صغيره واشربي قد ما تقدرين لأن السوائل مهمة
** اذا انتي مريضة الحين ومافيج حيل مب لازم تصومين واقضي عقب …. لكن عقب حاولي تصومين
هاللي فـ بالي الحين والله يعطيج العافية ^^
بخصوص رقاده….. كيف يعني وايد؟؟
طبيعي الياهل بو 3 شهور يرقد بمجموع 15-16 ساعة تقريبا (عادي لو أكثر أو أقل بشوي) موزعين فالليل والنهار
10 ساعات تقريبا فليل و5-6 ساعات فالنهار موزعين ع 3 رقدات تقريبا (المعلومة قريتها من كذا مكان يعني مب تأليف من عندي >.<)
هذا جدول صورته من كتاب :
((وطبعا مب شرط يكون نفسه بالضبط لأن كل ياهل غير))
وبرايي لو راقد لا توعينه عشان الأكل، متى ما ياع بينش يرضع ^^
خليه يتعود عالرقاد المتواصل لا تقطعين عليه (عن يتعود عالنشه كل شوي وتتلعوزين)
الا لو فالنهار (برايي وعن تجربة شخصية) لا تخلينه يكثر وايد، عشان يصير الرقاد المتواصل والطويل فليل
وعن الصابون …. اذا مسوي العوده أحسن بالصابون عشان يتنظف عدل
اما لو أشيا "بسيطة" خخخ ماله داعي الصابون
بس أهم شي نشفي المنطقة عدل عقب الغسيل عشان لا يلتهب
وما انصحج بالوايبس أحسها اتييب الالتهابات >.<
والسموووحة طولت عليج بس انشالله أكون فدتج ^^
وانا بعد اقول لو راقد خليه ونامي وياه عشان ترتاحين
وبالنسبه لو بنتي سوت نمبر 2 اغسلها بماي دافي وبس …والصابون بس حق وقت السبوح…ماحب احط لها وايد خاصه في المنطقه الحساسه
واذا ما تقدرين اتصومين ما عليج حرج لانج مرضع واقضي بعدين يوم بتبدين اتاكلين ولدج
