الرضاعة

السلام عليكم خواتي

تقبل الله طاعاتكم جميع
وي اسأل عن الرضاعة الطبيعية فابني ما رضع مني إلا شهرين و شوي و الله المستعان على كل حال
سؤال هل يؤثر عدم الرضاعة الطبيعية على ذكاء الطفل ؟
و منو ما رضعت عيالها طبيعي و كام مستواهم زين في المدارس ؟
ريحوني عسى الله يريحكم دنيا و آخرة

صح الرضاعه الطبيعيه وااااااااااااايد زينه حق الياهل وصدق تنمي ذكاءه بخبرج عن الوالده الله يحفظها كانت ترضع أخواني كلهم مدة سنتين وماشاءالله عليهم كلهم شطار فالدراسه وأذكياء بس يوم يابت آخر العنقود أختي ما رضعتها طبيعي كلش لانها ما قدرت تمسك صدر أمي وعشان شيه ما رضعت كانت أمي أحيانا تشفط لها وتعطيها بالرضاعه ..

بس ماشاءالله عليها أختي توها داشه الكي جي وشطوره فالروضه وتمسك القلم وترسم يعني أهم شي في أعتقادي حليب الأم ألي ينزل أول ما تييب البيبي وإن شاءالله يطلع ولدج ذكي وعبقري وبعد يعتمد الذكاء عالأهل ..
نحن أختي نعاملها على أساس أنها وحده كبيره وفاهمه وماشاءالله عليها تتكلم بطلاقه وهي بعدها صغيره وتحفظ لان الوالده معودتنها دوم قبل لا ترقد تقريها قرآن وتحفظها ..

أسمحيلي طولت عليج ..

الله يسعدج دنيا و آخرة قولي آمين

طمنتيني

الغاليه عوضي على ولدج بالحليييييييب و بالتمر يعني
حطي حليب طااااااازج و يكون كامل الدسم + تمر فالخلااااااط و اضربهن عدل
و اعطيه ولدج…
بس لا اتكثيرن منه لانه التمر حااار ع معدت الياهل…

والله كنت احاتي نفس السالفه

ولدي فديته بعده شهر و كم يوم و مب دوم ارضعه من صدري ساعات اتهايز

طمنتوني

صح الرضاعة الطبيعية أثرها مثل السحر على ذكاء الطفل ..
بس هذا ما يعني انه الي ما يرضعون طبيعي أقل ذكاء
إذا ترضعين صناعي.. أهم شي أهم شي طريقة الرضاعه ..لازم يكون البيبي بحضنج
التواصل هو الي يخلي البيبي أذكى .. تواصل بالنظر و اللمس .. وان شاء الله يكون من النوابغ اذا اهتميتي فيه ..

انا مارضع بعد بنتي حرام قلبي يعورني لاني حامل …