حبايبي ولدي عمره 3 شهور
وانا اشتغل
و عطيته صناعي لمدة يومين بس وما جد عطيته قبل و صار له امساك و كله يصيح
و عقب خلاص قلت ما بعطيه بعطيه طبيعي بس و يوم اروح الدوام اشفط له
بس مول ما يكفيه الحليب
و امس تم يصيح يوعان و حليبي ما يكفيه وكل اسبوع يشرب اكثر ما شاء الله
ف عطيته رضعه صناعي بس زدت الماي الدافي عسب ما يكون ثجيللل الحليب و شبع و ارتاح
استخدم له حليب سميلاك
مب عارفة ها الحليب الصناعي يسبب الامساك
و لا يمكن لاني حطيت كمية بودرة حليب الصناعي كبيرة
اغير الحليب !!! ولا اتريى عليه
شوفي الحليب الطبيعي يكفي الياهل واذا ما يكفيه بتعرفين من بوله إذا خف معناته ما يشبع وهذا مب كلامي كلام الدكاترة
تغذيتج لها دور انج تعطين الياهل الفيتامينات اللي يحتاجها
سالفة دوامج مب صعبه بتقدرين توازنين كيف ما اقدر اساعدج لأني ما جربت استقلت قبل ولادة بنتي
الإمساك حاولي الياهل تعطيه ماي بين فترة والثانية الحليب الصناعي يعطش واذا الحليب الصناعي فيه نسبة حديد كبيره هي سبب الإمساك حاولي تدورين حليب فيه اقل نسبة من الحديد لانه الكاسيوم يمنع امتصاص الحديد يعني الحديد ماله فايده
أتوقع تذكرين في فترة الحمل كنتي تاكلين حبوب الحديد وهي السبب الإمساك
اعرف انه الحليب الصناعي سووله اختبارات وتجارب لين ما وصل بهذي المواصفات لكن أبد ما يتساوى مع حليب الأم
حاولي تصبرين شهرين لانه بعدين بتبدين تاكليه وبتوازنين بينهم ولما ما بتكونين موجوده أكله موجود لانه الرضاعه الطبيعية صحه لج وله
الله ييسر لج
اولا الحليب الصناعي له معيار معين للحليب والماي , شوفي العلبة والتزمي بالمقادير والارشادات, لو بتزيدين الماي يشبع الياهل بس ما يحصل التغذية المناسبة لان الحليب خفيف
ثانيا حتى تزيدين حليبك ويفيض بعد انصحك نصيحة مجربببة: لازم تشربين كميه سوائل تصل بشكل يومي ل 2 ليتر, ولا تقولي تقريبا ,لا لازم تعايرين 8 اكواب يعني 2 ليتر يوميا, وارضعي صغيرك او اشفطي حليبك كل ساعتين ل 3 ساعات ماكسمم, الانتظام بالرضاعه يخلي الحليب يزيد, والا جسمك يشعر ان الحليب فايض فيصير الجسم يقلل من انتاج الحليب , يارب تكوني فهمتيني
لو بتحسي ان الحليب الصناعي يسوي امساك لطفلك حاولي تغيري نوعه, وممكن تضيفين قطرات من عصير البرتقال مع الحليب ,تعالج الامساك
ولااااازم تسوين حق طفلك تمارين يوميا للحوض, هالتمارين تحرك المعاء وتساعد في الاخراج, تحركين رجوله يمين شمال وفوق تضغطينهم برفق جهة الصدر
وسلامتكم