الرضاعه الطبيعيه لعوزت صدري

مرحبا ماميييز ..
حبيت استفسر منكن خص اللي مجربات ومرن فنفس مشكلتي
انا صار لي والده من اسبوعين و 3 ايام فالبداية صدري كان ما شاء الله تبارك الرحمن يدر حليب وايد
قبل 5 ايام لليوم لاحظت ان الحليب خف و صدري اليسار اكبر من اليمين
والصغير ما يفرز حليب تقريبا شبه ناشف جنه يلد و الثاني الحمدلله اوك نسبة الحليب فيه
حاولت ارضع البيبي من الصغير عسب يرد يعتدل و جربت اشرب كل الاشياء اللي ادر الحليب لكن
المفعول اجوفه فالعود و الصغير لا حياة لمن تنادي ..
ممكن اتوجهوني لطريقة سريعه اتريحني من الهم اللي انا فيه لان شكل صدري يضحك
واحد بارز والثاني مختفي ><

اكلي حلاوة طحينيه او اشربي حلبه , وحاولي اترضعين اليهال من الثديين

سيري للدكتوره خلها تسويلج اشعه

غرييبه !!
ماعليج شر ان شاء الله
بس روحي المستشفى عشان تطمنين

انا كنت مثلج
ويوم كمل ولدي سنه وفطمته رد صدري مثل اول نفس الحجم
اول كان واحد صغير وواحد كبير

جربتهن بس ما نفعني

ما ادري .. بجوف ومشكوورة ع المرور

افكر اروح عيادة الرضاعه وبتخبرهم ..

ترى الاغلب قالي عادي و ها طبيعي لكن انا مستغربه اني منظمه بين الرضعات وفوق هذا صارت وياي ><

شربي حلبه ولا تفكري با السالفه تراه توج والده يعني التفكير بعد له مفعول غريب .ومثل ما قالت عطر77 رضعيه من الصدريين وكلي اكل صحي .وان شاء الله خير