الريال وشغل البيت

هلا والله بالفهيمات حريم المنتدى وتحياتنا الخاصة للملقوفات وبعد آرائهن تهمنا

موضوعي اليوم يالغاليات يهم شريحة كبيرة من المجتمع اللي هم الرجال وماادراك ماالرجال ؟

بقولكم شو السالفة ؟ إن نحن عارفين إن الريال أغلب وقته بالدوام وأحيانا يكون دوامه في إمارة وبيته بإمارة ثانية فيكون بعيد عن زوجته وعياله وكل التربية ولعيال والبيت يطيح على رأس الحرمة هذا إذا كان بعيد أما إذا كان قريب فهو متابع لكل شاردة وواردة بالبيت . انزين أصلا السالفة اللي مب طايعة للحين أقولكم إياها هي : إن شورايكن بالريال اللي يساعد حرمته بشغل البيت يطبخ وينظف ويغسل يعني كيف تنظرون لشخصيته ؟ وأحيانا تكون الحرمة مب مال شغل بيت فيقوم هو ويشل البيت على راسه هل هالشي عيب وإلا لا ؟ وبعد شو رايكم إذا الشغالة موجودة وهو يشتغل ويساعدها يعني هاالريال شغيل بيوت مثل مايقولون ههه يحليله نظيف وايد وقلبه حنون ع الشغالة خخخ ؟صدق صدق اشرايكم بشخصيته ؟؟ أنا وحده طرشتني أكتب الموضوع وتباردودكن بصراحة ؟
أنا من وجهة نظري مب عيب الريال يساعد الحرمة فشغل البيت وخاصة إذا ماعندها خدامة بس العيب إذا أنا قاعدة وريلي يشتغل والعيب إني أهلكه وهوراجع من الدوام ، خلاص كل شي واضح هاذي وظيفتي البيت ولعيال عيل ليش يسموني ربة بيت ؟ وهووظيفته يترزق على عياله،لا وأنقهروينزل من عيني إذا الريال يساعد الشغالة والحرمة مرقدة لاشغلة ولامشغلة ليش محنية ايديها مثلا وإلا لاتخشن بشرتها الناعمة ياعيني يعني حرمتين بالبيت الخدامة وحرمته ويشتغل ، ولكّنّ المايك ياحريم وملاقيف بعد

شي طيب ان الريال يساعد حرمته بس مو هو يسوي كل شي لااا اقصد يشارك علشان يحس بتعبهااا وفنفس الوقت الاولاد يتعلمون المشاركة والمساعدة والمبادرة وتحمل المسؤؤلية

حلو التعااون بين الزوجين ^_^

وخااصه اذا كاانت الزوجه تشتغل وموظفه وماا عندهااا خداامه

الله يوفق كل زوجين ^^

ما فيها شيء انا استانس لما يساعدني ريلي والا ياخذ العيال عني اذا مشغولة بالضيوف

شيء طيب والله

انتبهوا لكل الأسئلة وجابوها مب بس المساعدة ؟

تعاون شي حلو بالخصوص لو المرأة كانت مريضة او تشتغل

ربي يوفق كل زوجين

حلو يساعد زوجته لكن مش هو يشتغل ويا الخدامة وحضرتها مرقده ولا طالعة