الزوجه الثانيه

السلام عليكم خواتي شخباركم بغيت اخذ مشورتكم ورايكم في الموضوعهو ان ريلي يبا يعرسوكنت ابي اعرف منو هي واخيرا وصلت لها وعرف اسمها وين تشتغل وبس ما اعرف شو اقول لها او ارمسها بس او اتلاقه معاها في ناس قالولي خليها في حالها وانسي السالفه دايم ريلي قال انه لغى الموضوع بس انا ما اصدق وما اضمنه ما اعرف شو اسوي معاها شو رايكم وابا مشاركتكم معاي

>>>>>>

مانصحج لاتيبين المشاكل حق عمرج ادعي الله يصرف زوجج عنها
وعن نساء العالمين ولا تفتحين على عمرج باب عقب تندمين على الي سويتيه
عادي تتبلا عليج وعادي تخلي ريلج يغير رايه ويتزوجهاااا
ان كيد النساء عظيم….

حبيبتي لادخلين عمرج في متاهات وعوار راس

وحطي شي في بالج انه ريلج لو يبا يعرس بيعرس سواااء كلمتيها ولا لا.. لو ماخذاها هي بياخذ غيرها دام فكرة الزواج في باله

انتي حاولي تراجعين حساباتج وتشوفين هل انتي قصرتي معاه في شي وتناقشي معاه وشوفي يمكن انتي فعلن مقصره وانتي مب ماخذه بالج وحاولي تصلحين الوضع

ولو شفتي نفسج مب مقصره معااه وماعطتنه كل حقوقه وهو بنفسه قالج انتي مب مقصره ذيج الساعه كيفج اذا بتستمرين معاااه اوو بتنفصلين عنه

والله يوفقج

خليها تولي ولاتسوين لعمرج مشاكل

ماشي شغله تسيرين تكلمينها
انزين حتى لو كلمتيها شو بتقولين لها ؟؟
انا اقول طبيها وخليها تولي لا ترمسينها ولا شياته
رأيي من رأي البنات الريال لو محطي ف باله يعرس ما بيرده شي سواء كلمتي البنت أو لاء؟؟
شدراج لو كلمتيها بيستوي تغير مثلا يمكن تضرين نفسج وانتي ما تدرين بتيبين حق عمرج عوار القلب والراس