الزوج والملابس الداخليه

شو شعوركم لما تروحون مع ازواجكم لشراء الملابس الداخليه انا بصراحه ندمت وانحرجت من تعليقاته صج بتسمعون تعليقات تصدم من كيف يشوفج الزوج

انا ما احب اتشرى و ريلي وياي , لازم ايعلق!!

ههههه صراحة احس شيء يفشل اقوله تعال ودني سوق ومن هناك ابا اسير اشتري ملابس داخليه حقي والله ما افكر حتى اني اقوله استحي خخخ لين الحينه ما جربت ولا بجرب

انا صارلي 6 شهور معرسه ، بس ولا مره اشتريت ويا ريلي
اصلا استحي واحبه يشوفه علي عطول ، ولا اؤيد ان ريلي يكون وياي الا لو هو طلب

احس مب حلوة في حقه انه يدخل محل يخص الحريم لا وملابس داخليه
مهما كان بتلاقين حريم يبن يتشرن وياخدن راحتهن فالمحل .. الافضل انه مايدخل هالاماكن واذا له ذوق معين اكيد بتعرفين اي نوع يفضل بدون مايدخل المحل

انا ساعات اذا كنت بروحي اشتري بروحي..

واذا ريلي وياي .. بعد عادي اشتري..

بس هو ما يدخل معاي المحلات المخصصة للملابس الداخلية شرات نعومي وايتام… الا اذا كان خالي او شاف ان فيه ريايل غيره داخل..

اما يوم ما يكون غير حريم… مايدخل يتم برع..

اما المحلات الكبيرة شرات ماركس اسبينسر (محلي المفضل) ودبنهامز وغيره.. عادي ييلس ينقي وياي.. او يقولي هذا حلو… هذا لا موب حلو خذي اللون..

يعني اخليه ساعات ينقي وياي… واذا كانت طالعة بروحي بعد اشتري بروحي ودسه اخليه مفاجأة لوقت اللبس..

بس انا ما فهمت من الخوات.. شو نوع التعليقات الي يعلقونها الازواج وتخليكم تنحرجون… ممكن مثال. بس عشان افهم قصدكم ..