السحر دمر حياتي :(

ما اعرف ليش فكرت اكتب لكم هالموضوع

بنات اول شي لو سمحتن مابا تجريح انا يايه افضفض لكم انا عضوه يديده في المنتدى واباكم عون لي مابا تجريح
انا كتبت لتكون قصتي عضه وعبره للاخوات وفي نفس الوقت محتاجه نصايحكم ودعواتكم في ظهر الغيب

قصتي بدت سنة 2024 انا بنت من عايله محافظه ولله الحمد بغض النظر عن كل شي انجرفت للحب والانسان الي حبيته من عايله معروفه في بوظبي وصاحب اخلاق عاليه جدااااااا
المهم حبيته ومابا انكر كنت بعيده عن الله وكنت وااااايد متعلقه فيه وتجمعنا علاقة جدا قويه عقب سنه عام 2024 عرفت اختي الكبيره اني على علاقة طبعا نازعتني وهزبتني وانا معاها الي سويته غلطططط غلطططط غلططط
كلمته قلت له اهلي عرفوا قالي قولي لها انه نحن اخوان !!!!! بعدين قال لا قولي لها اني احبج واباج بس ما اروم ايي اتقدم احينه لاني ادرس وهو فعلا كان يدرس قلت له لا تباااني تعال مالي ويه اقول هالكلام ترييت عليه وقالي عقب بكلم اهلي المهم كلم اهله وقالوله لا نحن خاطبين لك وحده من الاهل وانت اصلا ما خلصت دراسه انهي علاقتك ف هالبنت وخلى اخته تكلمني وتقولي هالكلام الي يجرحححححح

اكتئبت وصحت وتحطمت كنت أحب انسان ويحبني بس مشكلته ماله رااااي يخاااااااااااااف من اهله والمشكله الثانيه انه هو كنسل دراسته وقعد في البيت لا شغل ولا مشغله قالي كنسلت عشانج وقدم كذا وظيفه ومحد رد عليه المهم رجع لي وقالي ما بنترك بعض بنتم مع بعض وسكت ومن هاك اليوم قريت عن القيام وكنت اصليها بشكل متقطع ودعيت ولله الحمد ما بقول واااااايد تقربت من الله بس بديت وكل يوم كنت اتعلم شي يديد والاهم هو لاحظ فيني الجانب الديني وما كنت افتح موضوع الزواج خير شر وفي مره كنا نتلكم وياب طاري الزواج وقالي اباج بالحلال وطبعا فرحت في البدايه كان ما يفاتحني بهذا الموضوع بعدين تم يفتحه من نفسه وتعلق فيني اكثر واستمرت علاقتنا
المهم تقربت من ربي اكثر عن قبل بنات ربي يجدم لي الخير في مواضيع ثانيه بس بعد عناااااء يعني اتعب لين احصل الشي يعني دراسه ووظيفه ومال ورضى الوالدين واستوى قلبي رهيييف ويتني رحمة ما اعرف من وين استويت انسانه ثانيه من كانوا اهلي وربيعاتي يقولون انتي ام لسان ووغده من تقربت لله تغير كل شي ودعيت من خاطري ابا اروح العمره وللاسف كانت نيتي ادعي في هذا الشخص ورحت العمره ودعيت فيه طووووول الوقت ونسيت كل حد حتى نفسي كل دعائي الله يجمعني فيه

وعقب ما رديت من العمره مرضت مرض وحمى وااااااااايد قويه وبعدها كنت اشوف كوابيس مع اني قريبه من الله وهالانسان ما فيه تقدم غير انه هو متعلق فيه اكثر عن قبل ويسوي الي اباه بدوووون تفكير وتميت سنين على هالحال

كلمت الشخص الي احبه قلت له اني احتمال ما اكلمك فترة معينه…. حلمت حلم وما فهمته ويوم فسرته عند اشرف العسال قالي انتي مسوين لج سحر عشان ما تتوفقين في الزواج وفعلا خلال هاييج الفترة كنت انخطب بس ما فيه أي تقدم واصيح وااااااااايد وما يصير نصيب ما يخص هالشخص لاني ما اخبره بالموضوع من الاساس…. كنت مصره اصرار فظيع انه اروح حق مطوع ورحت و الصدمه الكبيره اني طحت من سحر وشفت الموت بعيني والي مسولي سحر شخص قريب مني للاسف هاي الصدمة الثانيه وذكرت ربيعاتي الي حاسديني وحاطيني في بالهم وذكرت الشخص الي سوالي السحر انه من سنين تقريبا والي يقهر الشخص الي سوالي السحر تزوج من فتره وشوفوا الظلم الي ظلمني اياه انا اخترت له زوجته وكنت كل مره اوقف معاه بغض النظر عن كل شي ضرني ولا حتى دعالي دعوة خير اني اخترت له انسانه زينه واكتشفت عن نواياه الخايسه بعد ما طحت

وسبحان الله الوقت الي كنت انا اتعالج فيه ويقرون عليه انفتح رزق للريال الي احبه وكان يبعث لي مسجات وانا طبعا تيلفوني مسكر عقب ثلاث ايام شفتهم لانه خلال هالايام كنت كل ساعتين او تقريبا 3 اطيح واصارخ واتعب المهم مسجاته كانت ردوا عليه بوظيفة الحمد لله وبسوي مقابله احس حياته ورزقه متوقف من السحر الي فيني المهم انا ما بقول لكم تعالجت مليون بالميه لاني ارد اطيح والسحر الي فيه ماثر في حياتي كنت اتعالج فتره واترك العلاج لاني كنت اخاااف كانت اتييني تهديدات عن طريق الاحلام ويوم اسجد اتعرق بشكل فظيييع وقلبي يدق بسرعه اني بقوم من السجود وبشوف الساحر والجن بياخذوني كله جيه وانش من رقادي مضروبه وكله يقولي في الحلم الساحر هالانسان مب لج لا تدعين لا تصلين اذا ربج عطاج اياه يمكن ربه ما يوافق تاخذينه تخيلوااا لها الدرجه كرهت نفسي وضعفتتت وااااايد بشكل ملحوظ وكل ما انوي اقرا البقره اييني رقااااج فضيع واستويت اصيح من غير اسباب ويوم اتضايق واصيح تبند الكهربه من الكيبل الكبير بنات تعبت والله شاهد عليه
حياتي وقفت من سنين انا والشخص الي حبيته ما فيه أي تقدم

بنات انا احينه هاي اول واخر مره ادخل فيها المنتدى احينه حطيت في بالي اني بستوي انسانه يديده بس بغيت دعواتكم انه الله يفك سحري وينزل عليه رحمه من حيث ما احتسب واذا كان هالشخص فيه خير لي الله يوفقني ولا يكسر قلبي وقلب غيري كل الي اباه دعوة صادقه واذا تقدرون تفيدوني بنصايح فيدوني سواء من ادعيه او اقرا ايات معينه او شوه ما كان ابا تواصلكم معايه بكون متابعه معاكم من دون ما اكتب رد

والله يشفيج يارب

أهم شي من موضوع الشخص اللي تحبية أمر نفسك

كونك تعرفي الشخص اللي أبتلاكي بالسحر ليش ما صارحتية ليش عمل هيك ومن ربط العقدة يفكها

تحتاجي لمعالج صادق — والمواظبة على التحصين — والرقية

لا تستهيني بأمرك وخلي أهلك يساعدونك