السفر بدون زوجي

السلام عليكم

بغيت استشيركن انا صارلي 3 سنين متزوجه ولا مرة سافرت مع زوجي يقول ما يحب السفر وانا خاطري اسافر
ففكرت اسافر هالسنه هو يقولي سيري بس هلي يقولون لا لاتخلينه وتسيرين
شو رايكن

عادي مافيها شي

انا جربت سافرت بروحي مافي شي يتغير غير المصروف صارلي فترة الحين بشوف شهر 8 بروحي بعد بسير

ان شاء الله اذا الله راد

سافري ويا أهلج لو ما عنده مانع

احس مافيها شي الوحدة تسافر ويا اهلها بالعكس الريال بيشتاق لها .ومنها تغير جو ..

كتغيير سافري مع اهلج ربي يوفقج

اكيد سافري ليش لاء خصوصا انه موافق
مع اهلج او حد من محارمج

الحرمه تحتاج تغير جو وتطلع لانها بشكل عام تكون بالبيت يالسه ومحكوره اكثر من الريال

سافري ويوم بتردين امدحيله المكان اللي سرتيله
وراويه الصور عشان يتشجع ويسافر وياج المره
الثانيه