السفر لاستراليا مع الأطفال!! وقوانين مطار بريزبن ***

غناتيه اذا بتسافرين ع مطار دبي الاشياء المسموح فيهااااا كلهاا 100 ليتر بس والماي بيعطونج اياه في الطياره وذا رحتي سنغفورا طبعا لازم عن طريق طيران الامارات ترانزيت هناك 45 بتنزلين وذا حصلو عندج ماي والا اكل زياده عن 100 ليتر بعقونه جدامج في الزباله العام جذيه سويبنا …..اما في مطار برزبن نحن من 99 نرح استراليا يوم مافيها عرب الحين تعالي مترسين وخصه العام يالله جنج في دبي والي ماتشوفينه في البلاد بتحصلينه والله العام كل ما نمشي انسلم ….المهم في المطار اذا شافو عندج يهال بخلون عندج بس الحليب واي اكل يسوي فطريات ع قولتهم بياخذونه والله نحن كل سنه نشل اكل بس ندسه ونسوي حركات حتى السحناه نشله بس انتي وشطارتج كيف ادسين الاكل…….واذا شافوا الاكل جدام عيونهم ع طول في الزباله بس اذا شاله جبن كرافت والا اي منتج من بلادهم عادي….

هلا حبيبتي
بالنسبة لمطار بريسبن ما يسمحون لج تدخلين أي أكل وإذا اكتشفوا إن عندج شي وما خبرتيهم عليج 1000$ غرامة.

طبعاً بالنسبة للحليب، احنا راويناهم النوع ووضحنالهم إن ما نقدر نحصل هذا النوع عندهم مشوا الموضوع بس كل شي كان في ايدينا من حلويات وغيره ما خلونا ندخله حتى الشنط فتحوها عشان يتأكدون…

الصراحة بهدلونا في المطار…. بس البلاد واااايد حلوة وباردة لأن الصيف عندنا شتا عندهم يعنى اخذي احتياطج وشلي وياج لبس شتوي لليهال…..

وإن شا الله تستانسون حبيبتي إحنا كنا ناويين نسير استراليا هذي السنة وفرصة ما عندنا بيبي بس سبحان الله حملت وموعدي ان شا الله بداية شهر 7 يعني ما في مجال نسافر أبد…

الله يوفقج حبيبتي ويردكم بالسلامة مقدماً ^___^

مساء الخير
مشكوره الغلا على الرد *ـ*
وعلى المعلومات المفيده

تسلمين على المرور
وشكرا على المعلومات

مرحبا ام شيخه ,,

ما عندنا يهال ,, بس حبيت اعرف <<< فضوووول

انا ما قد سرت لاستراليا كله اسير اوروبا وعقولتكم انترست عرررب فكل مكان

عاد قررما هالسنه نسير استراليا ,,

بس استغربت ؟!!

يعني لو اخذت وياي بالشنطه الصغيرونه شبس وشوكلت ممنوووع !!

ما قد سووها باوروبا ؟!