هذي اول مشاركه لي في هذا المنتدى الرائع .. معاكم ملاك قطر
وفي بداية الموضوع احب ارسل لكم سلااام معطر بدهن العود والمسك والريحان من كل
اهل قطر واتمنى يوصل لكم السلام وانتم بصحه وعافيه يابنات دار زايد
…..
المهم بنات في موضوع حابه اخذ رايكم فيه
جاني رجال يخطبني .. والرجال ماعليه كلام ولد ناس ومحترم واهله ناس معروفين
وماعليهم كلام .. باختصار ومن غير ما اطول عليكم هو يشترط علي اني اسكن مع اهله
بعد الزواج مع العلم ان حالته الماديه جيده وممكن يفتح بيت لي وله من الحين لكن بحكم وظيفته
فهو يشتغل طيار مدني يقول انه مايبي يفتح بيت ويخليني فيه بالايام بروحي لما يكون عنده شغل يعني يقول
ان بنسكن عند اهله في ملحق خاص …
الصراحه واااااايد محتاره الولد زين واهله وخاصه امه وااااايد طيبه وحبوبه
بس من الشاكل اللي اسمعها عن الناس اللي ساكنين مع اهلهم اخاف اني اوافق
ياريت حد يشور علي
دامج مقتنعه بالريال .. وتعرفين ان اهله والنعم فيهم ..وامه طيبة واااايد .. وافقي فديتج .. خصه انه بيحطج فملحق خاااص .. لكن فديتج بغتج تنتبهين لعدة نقاط ..
اول شي .. امه حطيها عراسج .. حاولي تعتبرينها امج الثانية ومثل ماتعاماين امج عامليها .. عشانج اولا والاج من الله وعشان ريلج وعيالج عقب ..
ثاني شي.. شوفي افراد عايلته الثانيين ..خواته واخوانه .. حاول تندمجين وياهم شوي شوي.. اداخلي وياهم وفتحي بينج وبينهم باب .. حاولي تسوين جي عشان ما تحسين بالغربة بينهم .. لانه ريلج ووضع دوامه يقول انج بتقضي وياهم وقت اكثر عن ريلج .. اكسبيهم بالمعاملة الطيبة .. اذا اتجاوبوا معاج خير وبركة .. ما اتجاوبوا .. اتعاملي وياهم بالحسنى ..وركزي على امه وابوه اكثر شي ..
بس ..
لو حسيتي ان وجودج فبيت اهل ريلج بعد ماتجربين العيشة وياهم .. ممكن تخرب عليج حساتج ..وادخلج فمشاكل وايد .. حاولي ادورين حل ثاني ..وتطلعين .. بس لا تحكمين من الحين .. عيشي وياهم .. شوفيهم ..وحاولي تسايرينهم وتكونين وحده منهم .. ولا تسمعين كل شي.. مب كل شي يصير برع لازم يصيرلج ..
والله يوفقج يارب ..
والله يوفقج الغاليه
بس فكرة العيش وياهم امممم انا ماتقبلها ولو كانت الام فوووق الطيبة بعد
اختي تراج وايد تتبعين افلام مصريه وافلام عربيه
لا تحكمين على الناس دامج ما عشرتيهم
وهذيله ربوا ولدهم وكبروه ويوم كبر بيطلع عنهم ما يصير