السلام عليكم

بسم الله الرحمن الرحيم

السلام عليكم ورحمة الله وبركاته
اليوم اخواتي وصلتني رساله من المشرفه الاحلام الملونه
والله انا ما أقولها غير الله يجزيها الخير
اخواتي والله العظيم شي غريب وأقول كم والله شاهد ع كلامي
انا اتفاجئت بالمواضيع اللي منزله باسمي اصلا أنا ما اشارك ف المنتدى
والغريب لقيت كذا موضوع باسمي وماعرف شي عنهم
والله انا بروحي مستغربه كيف المواضيع هذي نزلت
الأخت كانت تعطيني إشارة تنبيه وانا اصلا مافهمت الموضوع لين عقب اكتشفت المواضيع
احسني بتخبل والله ماعرف من يدخل باسمي لأن انا ما اسوي خروج من المنتدى
هل من الممكن حد يقدر يشارك بالنك مالي
حتى المواضيع ماعرف من وين نشرت
الله يخليكم بنات ساعدوني ماني عارفه كيف اتصرف

أختي لو تستخدمي كمبيوتر عام أو تخلي حد يستخدم كمبيوترج الشخصي , لازم تسوي خروج من المنتدى أو ومن أي موقع تدخليه وأنت مشتركة فيه ومن اميليج حتى . لأنه لو ما خرجتي من المكان وأي واحد بيفتح الكمبيوتربعدج يقدر بيدخل على الموقع وبينشر اللي يباه بإسمج !

أكيد احد يستخدم كمبوترج … ويستخدم اسمج …

أختي انا أدخل من التلفون لكن والله ماعرف شي عن ه المواضيع ولا عندي خلفيه عنهم لين الأخت نبهتني حتى مستغربه واصلا انا مشاركاتي قليله بس مادري والله أحيانا يراودني الشك ف وحده بس مابا أ ظلمها
ماقول غير حسبي الله ونعم الوكيل والقهر مواضيع مخرجه جدا ومادري شو الهدف من هالشي ومن هاي اللي تلعب باسمي
انا قلت الاخت غلطانه بس والله العظيم اتفاجئت بالمواضيع وأحسني انحرجت كيف تكتب باسمي نفس هالمواضيع

شو تنصحوني لأن جد أحسني بتخبل من اللي مكتوب

أبا أوصل للكل أن والله والله والله لست ع دراية بالمواضيع ولست من نقلها ولاعلم لي بها وأسأل الله أن يحفظ الأخت اذا كانت هي اللي مدبره المؤامره

بعدين أحب أنبه اصلا انا ماعندي حساب ف فيس بوك أبد