شخباركن؟
الصراحه انا عندي مشكلة و ترددت وايد اني اكتبها.. بروحي ما اعرف شو هي بالضبط ف عشان جي قررت اكتبها عل و عسى حد يفيدني و اعرف شو فيني ..
بنات انا صارلي اكثر من سنة مطلقة و من يوم ما ( عرست ) و انا مش مترقعه
اولا سبب الطلاق كان ان ريلي ما يقدر يقرب مني .. كان ينفر و يتهرب مني و ف النهايه قرر يطلقني
انا رضيت بالواقع و قلت اللي يابه بييب غيره
من بعد الطلاق صرت احس بالوحده و الاكتئاب و شعور دايم بالفشل و هذا شعور طبيعي.. كانوا اهلي و لين يومكم يضغطون علي و انا اصبر و احتسب الاجر لله
من فترة مش بسيطة .. السموحة بنات ع الكلمة بس صرت ( استحلم ) في منامي واااااااايد
انا اللي اعرفه ان الاستحلام حاله طبيعيه للبنات لكن كثرته قد تدل على وجود مشكلة
اللي ايوني ف الحلم هم شخصيات مجهولة او غالبا تكون ملامحهم مش واضحه ..
و اللي صار بعد.. ان كل ما يصير لي موضوع زواج و ان الناس بيتقدمون .. يخترب الموضوع كله بدون سابق انذاااار .. و هالشي صار تقريبا 3 مرات >_<"
قررت اني اسمع الرقية الشرعيه مع الله اعلم يا بنات اني ملتزمة بصلاتي و الاذكار و ايه الكرسي و اخاف من العين و دومني اذكر الله و لله الحمد
.. يوم بديت اسمع الرقية الشرعيه يصير شي و ما اقدر اكملها.. او ان تضربني ضيقة و ما اقدر اسمعها كامله =_="
ابدا مب عارفه شو فيني.. مودي دوم معتسف.. احب اني ايلس بروحي.. احب انام.. كله اتحسف ع حظي و ع نصيبي استغفر الله .. و صايرة ابدا مب طايقه هلي و بالذات امي .. عيوني ذبلانة و جسمي فيه حساسية مزعجه وايد اتضايقني
خبرت الوالده من كمن شهر اني ابا اروح لشيخ يقرا علي.. ما ايدت كلامي و تمت تتطنز
و انا حالتي كل يوم تتدهور و نفسيتي بعد
دلوني بنات شو اسوي
شو معقولة يكون فيني؟ ليش جي يصير لي
و اللي حابه تتواصل وياي ع الخاص حياها
تحياتي لكن
اتريا الردود
و ربي يساعدني يا رب
عسى ان تكرهو شي فهو خير لكم
ماتعرفين يمكن طلاقج كان خيره لج
بس انتي كاتبه ريلج اقصد طليقج يعني ماكان يقرب صوبج يعني السبب منج او منه ؟؟
وبعدين اقري على نفسج العين حق
والله يعوضج خير يا رب
استغفر الله استغفر الله استغفر الله
استمري بالاستغفار حتى في الضيق اظغطي على نفسج…
واقري البقرة كذلك شوي شوي راح ينفج عنج وراح تحسين براحة
وربي يرزقج الزوج الصالح عاجل غير اجل ..~
وتسألين اي شيخ يقدر يفيدج ببعض الاشياء تقدرين تتبعينها عشان ترقين نفسج …
لانه باين من كلامج انه عيـــــــن والعيـــــــــن حق ويبالج علاج …
لا تتسرعين وتروحين عند شيخ مب معروف عنه …
اتصلي بدار الاوقاف والشؤون الإسلاميه وطلبي تكلمين حد من الشيوخ الدين واعرضي حالتج وهو بيشرح لج شو ممكن تسوين …والله يفرجها عليج .
مهما اصاب الانسان من حزن تأكدي الله بيبدله فرح والعكس هذي هي الحياة دوآآمه لاتنتهي والله يعوضك ويرزقك بالخير كله وكل مسلمه ويرضا عنك حبيبتي اتمنى اني افدتك..
انتي اول شي لازم تعالجين الاسباب
اذ في عندك اي مشكلة روحي عند طبيبة نسائية
والتزمي بالصلاة وقراءة القران الكريم
والزواج قسمة ونصيب
هو مب احسن الناس في الاحسن منه
وكل واحد وحظة في الدنية وخبرته في الحياة
المهم شخصك