هذا طبق البارحه على الفطور وان شاء الله يعجبكم وصورت الخطوات للافاده
طبعاً الحشوه عباره عن جزر وبصل وفلفل رومي وكزبره وبقدونس وبطاط وفرمتهن صغار وشوحتهن مع البهارات اللي موجوده من فلفل وملح وكمون
(( نسيت أصور الحشوة)) وشليتهن من على النار وحطيتهن في طاسه وقطعت جبن كرافت شيدر مربعات صغار وخلطته مع الحشوه وبدينا بالحشو:
أكون مطلعه العجين الخاصه بالسمبوسه قبل ساعه من الشغل وأحطها على الصحن المناسب وأبدا بوضع الحشوة بس ما أكثر من الحشو
وهني أبدا بلف عجينة السمبوسة
وهذا شكلها النهائي بعد اللف
وهني يا حبايبي خلصت لف كل الكميه الموجوده عندي
وهني صورة حبه للتجربه في الزيت لأن السمبوسه ما ينفع تتقلى والزيت مش ساخن يعني لازم يكون مناسب وهذا السبب اللي يخلي السمبوسه تشرب زيت بالهبل هههههههه والظاهر ان الزيت هني كان مناسب عشان السمبوسه طفت على السطح أول ما حطيتها في الزيت
وهذا الشكل النهائي للسمبوسة اللذيذة وصحتين على قلوبكم
تسلمين اختي ع الوصفه
وربي يعطيج الف عافيه
نتريا منج كل يديد ^__^
