السوق ! في ناس له حايته فيه وفي ناس لا !! دخلن بخبركن مواقفي

السلام عليكم ورحمة الله وبركاته
شحالكن خوآآتي عساكن بخير؟؟

من اسبوع سايرة المول ويا الوالدة وخواتي عشان نخلص اغراض العيد واللي اخر مرة اسير لاني الحمدالله كل شي عندي وتزهبت للعيد
المهم لاحظت شي فالمول ! الظاهرة مب يديدة بس لان هالشي من زمان فخاطري وانفجر يوم شفت ذيج المناظر !!
والله ياخواتي تنعرف الانسانة اللي ياية تتسوق وتقضي حوايها وتنعرف اللي يايه تتمشى وتشد انتباه الشباب لها . .

بخبركن الموقف الاول :
دخلت محل ولقطت كم اكسسوار على كم بدلة وسرت صوب الكاشير بحاسب الا اشوف وحدة ماشاء الله فل ميك اب والعباة رااااااصه !! والاظافر هالطول حتى مارايمة تفج البوك تطلع الفلوس للكاشير !
كان ودي اضحك وودي اصيح ؟ هالكثر الخسافة وبعدين ماننسى نحن فشهر فضيل استحي ع ويهج ! وبغض النظر ان نحن فشهر رمضان كل اللي تسويه حرآآم ؟
وعقب ماشلت اغراضها طالعتني باحتقااااار . . وهنيه صدق عصبت على شووووو منو اللي مفروض يطالع الثاني باحتقار ؟ مع اني كنت متغشية وفحالي ماسكة اغراضي واتريا دوري

الموقف الثاني :
يلست انا وختيه ع كرسي واخوي واقف عدالنا لاني عيزت من كثر مامشي فسارت امايه والباقيات ويا اخوي الثاني الا دقايق واشوف ثنتين يتمريحن جدامي ولابسات هذي العبارة الفرنسية مادري شيسمونها اللي يكون لها ذيل من تحت قلت فخاطري يقشبن المول بعبيهن ؟ ووحدة لابسة عباة الحزام اللي تحت الصدر هي حلوة فالمناسبات بس فمول !! ولعلمكن يا خواتي الوقت كان متأخر وهن داخلات يعرضن عبيهن ويعرضن انفسهن والكافيهات حدث ولا حرج الشباب متروسين فهالوقت
نحن كنا طالعين من عقب صلاة التراويح بس تعرفن شغل العيد مايخلص فعشان جذيه بطينا

مادري ابا رايكن فهالنوع من الناس ؟ متفيجة والله ياية وضاربة خط عشان بس تتمشين وتعرضين نفسج ؟ والوقت متأخر !
ماقول غير الله يستر عليهن ويهدين يارب

ناس ما عندها مستحى

البنات فالجامعه كيف من الصبح كاشخات تسريحات وميك اب,, وكله الجامعه هنود وسكيورتي يتمون مبحلقين

قهر والله ,, رمضااااااااان وجفت فيه اكثر عن الايام العاديه !!

الله يهديهن ,,

يختي هالاشكال وايد بالاسواق .. كم بنرمس وكم بنقول

كشختي بالاعراس ماتسوى شي من كشختهم بالاسواق ! هههههههههه

وكل ماشوفهم اقووول بخاطري يوم نحن جي نطالعهم ونعلق عليهم ف الشباب شو يقولون ؟؟ لا بعد يلبسووون هالالوان الفاقعه الي تشدج لهم .. انا اضايج يوم حد يطالعني ومارتاح الا يوم اسير من هالمكان مادري كيف يرضون ع اعمارهم ..

لا وبعد الي يضحكني يوم يطالعونج من طرف عينهم يتحرونج تغارين منهم !! على شو ياحظي كلنا نعرف نكشخ ونلبس بس لكل شي وقت ومب لكل من هب ودب !!

والي يقهرني اكثر يوم الريل والا الاخو يشوف اخته مطلعه شعرها وتارسه المكياج بالسوق وعادي عنده ..

الله يهديهم ان شاءالله

عااااااد بنات الجامعه سالفه ثانيه !! احييد انا وربيعاتي كنا نضحك عليهم نقووول هاييلا جنهم ينشوون من الساعه 4 الفير عسب يكشخون ويتمكيجوون ويستشورون كشتهم ..

لا الي يضحكني اونه البعض منهم برمضااان يخفف من المكياج .. والي اتيي بدون مكياج الصراحه فلم رعب ومانعرفهم .. مب لانها صايمه لا من كثر المكياج الي كانت تحطه بالايام العاديه ..

والي تحرا الهنود والدكاتره اخوانها والشيله ع الجتف !!

هاذيله يبالهم ضرب الصراحه
و حرمنـآ من الطلعات

يـآخي خليها تتكشخ ف البيت ولا ف العروس

استغفر الله واتوب اليكـ ..!

{.. الله يهديهم ..}

بنات الجامعة بعضهن طبعاً مب الكل بلا منازع الصراحة
فل ابشن ربي يستر عليهن يارب

هههههههه ضحكتيني فديتج صدق والله الكشخة اللي نكشخها فالاعراس مانسويها مثل كشختهن
هههههههههههه الحين عرفت عيل ليش طالعتني بطرف عينها هههه تحراني غيرانة منها هههههه ضحكتيني فديتج بردج مشكورة ع المرور