بسألكم يوم تسافرون شو تشلون وياكم من المكياج
كم روج وكم ليب قلوس وبودرة وهل تشلين وياج كريم اساس وكيف يكون مكياجج
انا عن نفسي اشل وياية قلوس وردي وقلوس لون بيج طبيعي
ماسكرا وكحل وبودرة وباليت الوان شدو مجمعتنهن بنفسي من ماك كريم الاساس اشله بس ما استعمله
عموما مكياجي خفيف وايد وما احب يتلاحظ بس لاحظت في بنات ماشالله خصوصا بنات الامارات لانهن ينعرفن يحطون طبقات مكياج وفي عز النهار وشكلهم ملفت خصوصا في ميونخ لانها ممزوره عرب والله يوم اشوفهن في المحلات استحي لان الاجانب ما يحطون مكياج واذا معزومين او عندهم مناسبه حطوا روج اما المكياج فيحطونه بنات الهوى عندهم تعرفون قصدي فيوم اشوف بنات بلادي حاطين هالكثر مكياج والجانب يتطالعونهن مب فاهمين ليش كل هالمكياج والله افتشل
ياريت اللي تدخل تكتب شو تشل وياها من المكياج وشو رايها في البات اللي يحطون مكياج وايد ويحوطون في السوق في اوربا او في اي بلاد ثانيه
انا طبعا قلت بنات الامارات لانهم يهموني بس بعد خليجيات تراهن يسون اكثر من بنات الامارات بس ما احب اتكلم عنهن لانه مالي خص
انا عن نفسي اشل بودرة وماسكرا والجحال وبلاشر وقلوووس بس حلو يوم يكون خفيف بس التلطيخات يوم اجوفينها ع بنات ثانيات ونتي مسافرة تستغربين تقولين وين لهن بارض يتعدلن لووول ماشي وقت اصلا كله حواطة هبابنا انخلص الاماكن ماشي وقت للعدلة,,,,,,
لا احط ولا اشيل
والحمدالله شكلي بدون الالوان قمر ماشاءالله عليه ومايحتاي احط هالخرابيط
وفعلا الانجليز ابد مايحطون واذا حطو بس روج وفي لمناسبات بس هالاختراعات اللي مسوينه حقنا نحن العرب اللي مقطعات ويوهنا بالصبغ والقوس قزح
انا مره كنت في ميونخ دخلت وحده محل عزكم الله نعول وانا كنت في المحل
لابسه ثوب مغربي وحاطه سماعة التيلفون في اذنها وتسولف عادي
وريحتها ماشالله عود ودخون مزرت المحل بالريحه وحاطه مكياج وهيه روحها غاويه والمكياج مخلنها عروس
والله اني يوم شفتها استحيت قلت في خاطريه ليش جذيه مطلعه جمالها وحلاتها حق منوه والله حتى حرام
وهم الالمان اللي مخترعين التيلفون ايام احنا ما كنا نستعمل الموبايلات كانوا عيالهم الصغار قوم بو 5 و6 و10 سنوات كل واحد في مخباه موبايل بس ما يتخققون عادي
لو واحد يمشي في الشارع ياه اتصال تشوفونه يوقف على ينب المحل ويتكلم على السريع ويحط الموبايل في مخباه ويمشي
بس احنا عندنا الناس كل شي مال فشره حتى الموبايل
والجلوس وبلشر خفيف
نااااااقصة عاد من الصبح أنش أغسل ويهي بميكاب ؟
أحب أكون طبيعية أكثر ، وريلي فديته يحب جيه