.
.
.
.
.
.
.
.
.
.
هلا والله حبايبي
حبيـت اسأل عن الآلم اللي بالريول وقت النوم وصعووبه النوم
شو الاشياء اللي تخفف هاللآلم ؟؟؟
وهل في شي نشربه بالشهر الثامن ويخفف علييج الوويـع ؟؟
سألت الدكتوره قالت خذي بندوول !!! صراحه ماعجبني ردها
يعني كل يوم باخذ بندوول حرررام اخااف يضر البيبي 
يالله شدو حيلكم وياي واللي تعرف شي تفيدني وتفيد الكل ^-^
الله يسهل ع الجمـــيع ان شاءالله ويرزق كل محرومه ^-^
الله يعافينا ويسهل علينا ان شاء الله
بس كيف تحسون حركه الياهل انا احس انها مب وايد وايد يعني نص نص
ع فكره وايد اكل شوكولاته شو ضضرها عالجنين بلييييييييييييز؟
يالله ربي يسهل علينا ان شاءالله …
واللي تعرف شي يخفف هالويــع تفيدناا <<<عندي امل 
المشاركة الأصلية كتبت بواسطة شجون83 
بس كيف تحسون حركه الياهل انا احس انها مب وايد وايد يعني نص نص
ع فكره وايد اكل شوكولاته شو ضضرها عالجنين بلييييييييييييز؟
الله يسهل عليج حبوبه
اللي اعرفه انه حركة البيبي ماتكون واايد شرات قبل يعني اتكون اخف وهالشي عادي …
وعن الحواواه خففي عنها غناتي لانها اتمتن البيبي ع الفاضي مامنها فايده
اكلي شي يقووويج علشان وقت الولاده يبالها قوه والتساهيل من ربج