اليوم ام خالد ومحمد تقدملكم الاختراع العجييييييييييب والمميز قوالب الشييز كيك (رجاء حقوق الملكيه الفكريه محفوظه )هههه
تعالوا شفوا احدث قوالب الشييز كيك
شو رايكم في هالقوالب ؟؟؟؟؟؟؟؟؟؟؟؟؟؟؟؟؟؟؟؟
قوطي قشطه نفتحه من تحت ومن فوق الحلقه اللي تبقى انشيلها فوق ونخلي القاعده القاعده لا ترمونها ونغطي العلبه من تحت بلشفاف ونحط داخلها القطعه الدائريه (مثل الصور ) ما اقدر اوضح اكثر انشالله تفهمون علي
الحين نحتاج كيك جاهز الباوند كيك فانيليا وكاكاو نقطع الكيك بشكل دائري وممكن انفتفته بيتماسك عادي ونحط طبقة كيك في كل قالب وعلى جوانب القالب(مصدقه عمري القوطي صار قالب ) نحط فواكهه فراولة وكيوي واناناس وشوكلاته
ونصب خلطة الجبن داخل كل قوطي اقصد كل قالب
الخلطه البيضا عبارة عن (2 قوطي قشطه واكثر من نصف علبة كبيرة حليب مركز وظرفين دريم وييب وعلبتين جبن فلادلفيا الحجم الكبير (لان الكميه كبيرة وقوطي القشطه يشل وايد ) وملعقه كبيرة جلاتين مذوب في فنجان ماي حار وشويه فانيليا
بعد ما جهزت الخلطه خذت منها شوي وخلطته من فراوله مهروسه هذ للفراوله وخذت شوي بعد وخلطته مع كيوي مهروس للشيز كيك بالكيوي ونفس الشي بلنسبه للاناناس واللي بقى ما ضفت له شي خليته للشوكليت
بالنسبه للشوكليت ذوبت 4 جلاكسي الحجم الصغير مع علبة قشطه وحطيته على الخلطه البيضه وفوق حبات المالتيز
والفراوله حطيت عليه طبقة جلي فراوله ( هذا بهدلني شوي لانه سرب ) والكيوي والاناناس حطيتهم فوق نفس لشي
وهذا الصور شفوا قاعدة الكيك والفواكه عالجوانب
وهني يوم حطيت عليه خلطة الجبن
وهذا الشوكليت
وهذا الفراوله
وهذا الكيوي
وهني غطيت قوالب الشييز كيك ودخلت الثلاجه يوم كامل
والحين شوفوا فايده القطعه اللي داخل نظغط عليها ويطلع الشييز كيك بكل سهوله
الفواكهة الزايده تعطينا هالشكل
الاناناس والكيوي
وهذا الشكل النهائي لصينية الشييز كيك
وصورة جانبيه اخيرة
وخلالالالالالالالالالالالالالالالالالالالالالالالا لالالالالاص
ملاحظه :
الفراوله حطيت على الجلي من فوق حبة فراولة ومسحتها بمربى المشمش المذوب بالماي الحار علشان تعطي لمعه نفس الشي بالنسبه للكيوي والاناناس
وعقب هالنتيجه اقولكم ممنوع رمي اي قوطي بعد اليوم خليكم اقتصاديات ووفروا باستخدام هالقواطي انا جربت قوطي القشطه وقوطي الصلصل بعد شكله وحجمه احلى من القشطه وخذت لي تقريبا اسبوعين لين جمعت قواطي قشطه وصلصل علشان انفذ هالفكره الجهنميه حتى اني وصيت خواتي واهلي ايجمعولي قواطي القشطه عقب ما يستخدامنها
اذا عجبتكم الفكرة بدوا في تجميع القواطي ونفذوا وادعولي دعوة حلوة وتحياتي لكم
ام خالد ومحمد
الله يحفظج
فكرة و لا اروع
التشيزكيك طالع غاوي و يشهي
شنو هالفكرة العجيبة ابصراااحه
شي عجيب يالغلا
تسلم الايااادي وتم حفظ الصفحه
شكله مشهي
تسلم ايدج يالغلا