الصباحية

مرحبا بنات … انا اول مرة اشارككم في هذا القسم .. عندي سوال وابيكم اتفيدوني وانشا الله نستفيد منه الكل …
ابي اتخبركم اذا هاذا الشي يستوي عندكم يوم العرس ولا لأ ؟؟
نحن عندنا البنت ليله عرسها ما اتروح بيت ريلها لين ما يدفوع اهل المعرس الصبحيه والي هي تساوي 5000 درهم …
واذا اهل المعرس ما دفعو الفلوس حق ام الروس خلاص العروس ما اتروح بيت ريلها لين ما يسلمون البيزات … وهذا طبعا من عادات وتقاليد فالدوله عندنا ..

ملاحظه : هذا استبيان ابي اسويه عشان اعرف اذا في فالدوله هالشي ولا بس عندنا نحن
؟؟؟

اول مره في حياتي اسمع عن هالشي …. نحن ما جد استوى عدنا هالشي موليه
… يمكن حبيبتي هاذه متعارف عليه في عايلتكم بس ..

وبعدين احس فوق لي دافعنه … بعد يدفع 5000..!!

سمعت بهذا الشي ويصير عندنا فالبلاد وايد قبل ما يشل المعرس العروس يدفع حق ام العروس مبلغ معين

اول مره اسمع

والله اول مره اسمع
حليله الرياال بيكرره العرس واليوم اللي عرس فيييه
نحن ماعندنا هالشي ..

الغاليه نحن الزعاب عدنا هذي العاده إن الزوج يدفع لأم العروس ليلة الدخله وتكون على حسب المهر إذا المهر 50ألف إتكون الصباحيه 5000درهم هذا من عاداتنا وتقاليدنا نحن أهل الأمارات