الصمت الموميت

السلام عليكم
خواتي انا عندي ريال موعارفه كيف اتفاهم معه الصمت هو اللغه الذي يفهمها وانا تعبت والصمت يعني لي الموت ولا اعرف كيف اوشو اتكلم معه بس انا احب ريلي ووووايد الله يحفطه بس ودي يغير للغة الصمت

الغالية اكيد في هموم يعاني منها لذا يفكر كثير

غالبية الرجال يكون الصمت شعارهم ومعظمهم تلقيه يفكر بمية شغله

اكتبي الغالية بجوجل التعامل مع الرجل الصامت بيطلع لك وياد مواضيع لكيفية التعامل معه

سهل الله امرك

الله يخليكم لبعض ان شاء الله .. حاولي تاخذين منه الكلام مثلا شو رايك بالشئ الفلاني او تتخبرينه عن ذكريات الطفوله هذا اطول موضوع ومايخلص ههههه بيتم يسولفلج ولا خليه ساكت احسن اسووولف ويااج وبالتوفيق الغلا

هل أنتم أزواج بأول حياتكم ؟؟؟؟؟

هل الصمت طبع يعني قليل الكلام مع كل الناس ؟؟؟؟؟

لزم تعرفي طبعة وتعرفي شو الأشياء التى يحب الحديث عنها اذا متفقة بالدين طلعي مواضيع واسئلة دينية وتشاوري معة فيها

واذا يحب الكوارة او رياضة معينة وتابعي معه يعني شاركية وتحشري فيه لحد ما يطلع من صمته مع الوقت

عن تجربه
انا بنصحج بقوولج يودي عمرج عن الكلام
وخليج صامته واذا بخاطرج تسولفين دقي عخواتج او ربيعاتج و هو خليه عراحته
يوم يومين اسبووع وروحه بيستغرب وبيي بيسولف وياج
لاني انا جي كنت وريلي كله ساكت او يرد عقد السوال وماعنده سوالف
مع انه لما يرمس فالتلفون ويا ربعه يسولف و يضحك كنت استغرب
طلعت اللي ما عاطتنه مجال حق الكلام روحي ارمس وروحي ارد وهو بس يسمعني
جربي و شوووفي

وبالتوفييق

سمعت وحده في الاذاعة تكلمت عن موضوع الصمت عند الريايل …. عطيه شريط فاضي كهديه وخليه يسمعه في السياره … وجوليه انج تبين رايه اليوم يعني يطلع ويسمعه ويرد يجولج شو رايه … طبعا أول ما يسمع الشريط بيكون فاضي .. بيحاول يجلب في الشريط يمين يسار ويجلب على الناحيه الثانية … ما بيلجى شي … واكيد بعد ما يمل بيرجع البيت ويجولج رايه .. طبعا اكيييد بيجولج انا سمعته بس فاضي ما فيه شي … اكيييد انتي غلطانه في الشريط .. انتي عاااد انتهزيها فرصة وجوليله هاااذي يا ريلي الحبيب حياتي معاااك واكيييد بتفهم الموضوع … وحاااولي بأسلوب الأنثى انج تكسرين خاطرة جوليله في خاطري تكلمني تسولفلي عنك .. وين رحت وشو استوالك من مواقف … واكييد بيفكر وبيحن عليج …. الله يهديلج اياه ويخليلج اياه ان شالله
ان شالله جدرت اوصلج المعلومة واسمحيلي اني طولت عليج

^

الوزيرة عطتج افضل حل ههه