الصمت يذبحني ولا اقدر على البوح
ويـابـوي لــو تــدري بفـعـل الليـالـي
مـا كنـت تتركنـي ولا عـنـي تــروح
حظـي تعـثـر يــوم انــا عـنـه سـالـي
والصبـر مـا ينفـع ولا مـنـه مـربـوح
ولي صار ربعي كلهـم لـي ضـلا لـي
مـا همنـي لـونـي غـريـق بــلا لــوح
ومــا دامـهـم جنـبـي فـأنـا مــا ابـالـي
لكـن فـؤادي للاسـف صـار مجـروح
كنـت احسـب انهـم مثـل نجـم يلالـي
ورد يسلـي خاطـري وعطـره يـفـوح
وكنت امدح اخوانـي وعمـي وخالـي
واللي يغلـط فـي حقنـا قلـت مسمـوح
وشلـت الهمـوم اللـي بثـقـل الجبـالـي
وقـلـبـي مـكــاان للمحـبـيـن مـفـتـوح
ولـو نـي حزيـن ولـو يزيـد انشغالـي
ما اشكي لغير اللـي لـه السـد مبيـوح
وان صـار يظلمنـي صديـق وغـالـي
وشفت الوفا منهم غدا اليوم مطـروح
بسمـح عسـاهـم فــي نعـيـم وظـلالـي
ويعـل الهنـا فـي دربهـم دايــم يـلـوح
من صغر سنـي والوفـا مـن خصالـي
ولاّ الغدر فـي شرعنـا صـار مذبـوح
ما اخـون مـا اغـدر لا ولابـه مجالـي
وهذي طباعي دمت حـي ولـي روح
ويـابـوي حـبــك بالـحـشـا مـايـزالـي
ولو شاحوا احبابك انا عنك ما اشوح
وادري بحالـك وانـت تـدري بحـالـي
يكـفـي نعـيـش بتمـرتـيـن مـــع دوح
شـهـم كـريـم لــي نـصـوك الرجـالـي
بيضـت وجهـك يـاولـد كــل مـمـدوح
والله ثـــــــم والله رب الــجــلالـــي
انـه غرامـك للبشـر صـار مفـضـوح
بشرب هماجك وانتـه اشـرب زلالـي
واهنى بعمـرك واتـرك الهـم والنـوح
الشاعره 0 ومضه
يسلموووووووووو الغلا
كلماات ولا اروووع
ابداااااع
تسلميييييييييينن
المشاركة الأصلية كتبت بواسطة فجر_دبي 
يسلموووووووووو الغلا
شكرا لمرورك الله يعطيك العافيه
المشاركة الأصلية كتبت بواسطة بنت الشيبه كلماات ولا اروووع
ابداااااع
تسلميييييييييينن
شكرا لمرورك الله يعطيك العافيه