شحالكن بنات ربكن بخير
ومابطول عليكن بس بغيت اسأل هل حد منكن جرب يصوم في الشهر التاسع وكان عادي ؟ يعني ما يضر الياهل الحين اني أصوم وأنا ماباقيلي شيء غير حوالي الشهر عن لا أربي ؟؟
بصراحة باقيلي سبع أيام قضاء وما أبغي أأخرهن أكثر من جذيه لأن رمضان بيدخل عليّه وماباقي عن ربايه – ادعولي الله يسهل عليه – شيء …
أبغي أصوم وخايفة هالشيء يأثر على الياهل اللي في بطني
فديته مابغي أضره 
فياليت اللي قد جربت وكان عادي وما أثر على صحة الياهل تقولي والله يجزاها خير سلفا ..
لان الرضاعه هلاك و تعب و عطش و اجهاد …..
توكلي على الله و صومي أيامج
بس قلت كل خميس بصوم انشالله وبخلص ..يعني قسمي على ايام الاسبوع كل اسبوع مرة
او مرتين لين رمضان .. الله يسهل عليج انشالله
انا ربيت في بنتي الاولى في نهايه رمضان صمت بس 15 يوم وبعدها يوم رحت المستشفى حصلت اهزاب من الدكتور لأني نزلت وزنه البيبي وتعبت وتعب البيبي معاي فطأريت اني افطر نصف رمضان الثاني لما ربيت بس اللي تعب اكثر صيام الدين اللي عليج وانتي اترضعين
انتي صومي بس اشربي ماي واااااي واكلي عدل من بعد ما يأذن لحد السحور دحي عمرج اكل وماااي و لا تأعبين عمرج في المطبخ واااااااايد ارتاحي كثر ما تقدرين والله يسر عليج انشاء الله
فحملي الاول ربيت فرمضان ..وحملي الثاني بعد بربي فرمضان..الحمدلله على كل حال ..بس واااايد تعب وبالذات التاسع…لانج تحتاجين سوائل زياده …وحتى لو شربتي ..تراج فالتاسع اداومين عالحمام ههههه
يعني ماشي فايده خخخ
الله يعينا ويعدي رمضان على خير يارب