الصيف قرب واكيد الاغلبيه يجهزون للسفر…. ويخططون وين بيسيرون وشو بياخذون معاهم…
خلونا كل وحده تقترح شو بتاخذ وكم عمار عيالها….؟؟؟
وخصوصا اللي مجربه السفر قبل… مع الصغاريه كيف يكون….
وبخصوص الاكل… شو تاكلونهم لانه اللي صغار واللي يحتاجون اكل خاص مثل الاطفال من 6 شهور لين 3 سنين…. شو ياكلون..
كل وحده اتقوللنا شو تسوي وشو الاغراض الضروريه…؟؟
انا بشوف تفاعلكم وبعدين بخبركم عن تجهيزاتي…
محتاره في سالفة الطياره وكيف بيتم قاعد لمدة 8 ساعات شكلي باخذله دواء كحه وبعطيه عشان يرقد 
وبعد محتاره في سالفة الأكل لانه كل أكله مطحون شو أسوي معاه ؟؟
ويا الله نتريا الخوات ألي جربن السفر مع عيالهن ..
1-الحليب
2-السيريلاك
3-الأدوية الأساسية …..(ولدي الله إعافيه في ربو )…..بعد أدوية الزكام …الإمساك ….الجروح……….
4-هاندباج مريحة حق الطلعات
5-ملابس حسب المكان و المدة إلي بنقضيها ……
مممممممممم يوم بذكر بكمل
حليب << خذي زياده احتياااط…
بامبرز خذي كميه خصوصا اللي بيسيرون شرق اسيا…لانه اذا خلص بتتوهقين ماشي غير الصيني وتبان وماتضمنين اذا ياه اسهال يخلص بسرعه…
ملابس للطلعه وبجامات خذي مكمن وحده زياده لاتعتمدين على عدد الايام اذا بتسيرين 10 ايام خذي 15
ابات للاكل<<< مريله او صدريه في فمذركير للاستخدام الواحد وهذيل عمليات لبس وعق لانهن اكثر شي يخيسن وخذي بعد اللي يكونن نفس القميص قماش ومن تحت بلاستك اذا ولدج من النو اللي يخبص وهو ياكل وبجذيه ملابسه اتم نظيفه مابتشلين هم الغسيل
الاكل<<<<<<<< هم.
خذي معاج من هنيه كيس عيش الصغير اللي فيه 1 كيلو او 2 وخذي عدس ومكرونه وصلصه وبهارات ومن هناك اشتري الخضار والفواكه ونصيحه اذا بتسكنون في فندق ومافيه مطبخ صغير للغرفه <<< اغلب الفنادق خذي معاج الجدر الكهربائي لانه عملي وااايد وما ياخذ وقت… وفي منه احجام خذي صغير.. وعلب لحفظ الاكل اللي بيزيد خليه فالثلاجه واذا بتشلين معاج ومعالق وصحون بلاستك<<<< مافيج على الغسيل
الادويه…
خافض حراره… كحه… اسهال… ومحلول عن الجفاف…. ومضاد حيوي<<< باستشارة الدكتور… رشح….كريم عن الاحمرار… ولاتنسون مقياس الحراره…
شنطة للطلعات خذي شنطه اشوي كبيره للمشاوير البعيده واللي بتاخذون فيها وقت طويل وشنطه اصغيره وسهله فالشل للمشاوير القصيره…
وحزام لشل الطفل لانهم يطفرون من العربانه ويبون حد يشلهم وهذا اريييييييح وخصوصا للمواليد لين عمر سنه ونص او اكبر اشوي…
العاب صغيره واذا كان كبير ويفهم قصص وتلوين
عربه خفيفه واذا بتسيرون مكان مره والجو متقلب خذي غطا بلاستك لعربانه…..
ولاتنسون جاكيت خفيف قصن<<<<<<< ادري صيييييييف بس للاماكن البارده مثل المراكز والطياره والمطار
ولحاف صغير حق العربانه اذا نام….
واسمحولي اذا تذكرت شي بحطه وبحاول احط صور للاغراض….
يعني مستحيل اسافر معاهم وانا بالبلاد مطفريني بعد اسافر لا مستحيل كفاية بالويك اند انروح بوظبي عند اهل ريلي هذا بسهم