بصراحة في موضوع دايمن يخطر ع بالي و ابا رايكن هل تشوفون ان الطلاق مرات يكون حل للخلافات الزوجية؟
لاني مرات استغرب من ردود او نصايح بعض البنات لو الحرمة ريلها مب زين لازم تصبر لو خاين لو زاني لو يشرب لو يضربها لازم تصبر و تتحمل عشان عيالها او عشان ما تتطلق لو ما عندها عيال
بس دام الصبر هو الحل ليش الله شرع الطلاق و ليش الحرمة لازم تذبح عمرها عشان زوج ما يحس فيها و لا يعطيها حقوقها بس عشان ما تتطلق
ابا رايكم في هالموضوع
كنت ابي انزل موضوع بعد بس نزلتيه قبلي !!
يمكن تخاف من كلام الناس ………الخ
صرت اخاف من الزواج
لازم اكون حذره ههه
امبيه ><
احس وايد تعلمت واااايد من هالمنتدى استفدت وايد بس شقايل جي الحرمه تذبح عمرها ع ريال ما يحس موليه ..
غاليتي 
الإنسان في حياته يحب الأمل
ومرات تكون الزيجـة للاسف منكسرة كليا
لكن المرأة تخاف
لنقص الماديات أو الأعراف أو لإنها تحب الريال بكل بساطـة ..
فتم معاه على أمل انه يتغير
وان الصبر مفتاح الفرج
وفعلا في حالات تنحل مع الزمن وتستوي أحسن بوايد
وفي حالات تستعصي ^^
لكن خوف البنت من كلمـة مطلقـة يدفعها للبحث عن حلول جانية أخرى
والله يرزق زيجات المسلمين السكينـة والمودة والرحمـة
1-يعني وحدة ريلها يخونها ويزني وماعليه من اي حد هني يمكن اييب لها ولعيالها الامراض
واحنا ياما نسمع عن حريم مريضات بالايدز وهي محترمة وسمعتها طيبة!!!
2-وحدة ريلها يطلبها من الخلف؟؟ ويطلب منها اشياء محرمة؟ تصبر عليه مثلا؟؟؟
3 -ريال مايصلي ولايصوم ولا يعرف ربه (يعني تاخذ لها كافر احسن وتقول بصبر عليه بيسلم مع الوقت والصبر؟؟)
كيف بتربي عيالها معاه؟ بالعكس تطلق احسن وتربي عيالها بعيد عنه…
يعني الطلاق يكون اخر سلاح
تفكر في سلبيات الطلاق وايجابياته
اذا شافت الطلاق اصلح لها ولعيالها تطلق ليش لا!
