الطلق الصناعي

كان عندي موعد فالمستشفى وقالولي انتي بتخلصين التاسع عقب يومين وبنعطيج اسبوع زيادة اذا ماربيتي خلال هالأسبوع بنعطيج طلق صناعي وانا وايد خايفة لأن في ولادتي الأولى استوالي نفس الشي طوفت التاسع وعطوني طلق صناعي وهلكت يومين وانا في غرفة قبل الولادة… مب عارفة شو اسوي والله اني تعبانة…. فيدوني شو اقدر اسوي عشان الله يسهل عليه واربي قبل نهاية هالأسبوع…

الله يسهلها عليك اختي انا اللي اسمعتو من البنات المشي ع الشاطئ كتير مفيد واشربي عصير اناناس …

وكلي تمر كثري منه مذكور في القران …. واشربي حلبة وقرفة………….. والله يسهلها عليكي …. ويعينك انا بعدني

اول التاسع وكتير تعبانة الله يصبرك ولا تنسيني من الدعاء ربنا يسهلها علينا وعلى جميع الحوامل…….

الله يغربل الطلق الصناعي يعله ينقرض إن شاء الله
لا تزيغين اقري على عمرج ولا تنسين الدعاء وكثري من لسح لين اتلوع جبدج والله يسهل عليج وتربين من طبيعي م غير طلق
سبحان الله وبحمده سبحان الله العظيم

مشكورة اختي أم بيسان… بس انا كل يوم امشي عالبحر ومن اول مادخلت التاسع وانا اشرب زعتر وحلبة وزنجبيل وحتى شربت زيت الخروع وحلول بس الله مب رايد لين احينه اني اربي…

انتي مثلي و انا عاطيني 10/4 و بعد الله ما راد انه ينزل الحين انشالله هاليومين الله يسهل علينا و نولد و يسهل على كل الحوامل

ان شاء الله اتربووون ,, وترتاحووون .. واتقومون مع البيبياات بالسلاامه حبيبتي

أنا بعد عاطيني مهله لين نهاية هالأسبوع إذا ما ياني ويع بيعطوني طلق ،، موعد ولادتي 11-4 ولين احين ماشي اي بوادر الزعتر ليل ونهار اشربه وشربت خروع وحلول بعد ماشي فايده ،،،،،،،،،،،،، اتمنى اربي بدون طلق ،،

الله يسهل عليج وعلينا وعلى كل حامل