الطياره .

خواتي عزيزاتي
انا مسافره ماليزيا ويا ريلي
مشكلتي وايد افكر واحاتي خايفه من الطياره وااااااااااااااايد وهذا الي مخرب وناستي

تحسسني بكتمه وتحسسني اني بختنق واحس اني بموت الوسواس ذابحني
شو الحل فديتكم
والعذاب رحلتنا 7 ساعات
وايد خايفه ريلي مستانس لان بنسافر وانا مابغي اخرب عليه
ساعدوني بكلمة طيبه منكم مالي غيركم

وفي سؤال ثاني ابغي اطمن ويمكن تضحكون عليه الطياره فيها اسعافات اولية يعني اذا اي حد تعب شو دورهم وياه للعلم انا مسافره على طيران الامارات

ويزاكم الله خير

مرحبا حبوبه
الله يهداج بس توكلي على الله واستانسي ولا توفتين هالايام الحلوه ^_^
وبعدين قولي لن يصيبنا الا ماكتبه الله لنا
لاتحاتين كل طيارة فيها اسعافات اولية ورعاية واي شي تبين بيسوونه لج ولاتنسين ان طيران الامارات طيران لا يعلى عليه واهتمامهم لايعلى عليه بالمسافرين
والاسعافات الاولية موجوده طبعا بس دقي الجرس للمظيفة وهي بتوفر لج كل اللي تبينه
طول الرحلة اشغلي عمرج بذكر الله ولاتفكرين بشي ثاني غير انج في حفظ الله ورعايته
سافري ولاتحاتين وتروحين وتردين بالسلامه يارب

مشكوره حبيبتي يزاج الله خير صدق طمنتيني
وانا بانتظار ردود خواتي الباجيات

تصدقين من سنه تقريبا خواتي كانوا مسافرات المانيا وحده من خواتي تعبت وهن راجعات دبي ضربتها لوعة ورجعت كذا مره في الطياره انتي تصدقين مافي حد من المضيفات اهتمت فيها واختي الثانية ادق الجرس وتقول ممكن ليمون او سفن اب قالوا غير متوفر للاسف، استغربت من ردة الفعل وعلى طيران الامارات بعد مادري شو السالفة

انا بعد اخاف من الطياره موووت
وسافرت 14 ساعه في الطياره بس حاولت اقعد اسولف وعادي ونسيت السالفه لين وصلنا

وكل شي متوفر

انا سافرت على الاتحاد

وانصحج خذي معاج ليمون داخل الطياره

اقري قران وما عليج شر انشاالله

انا بعد نفس المشكله.. هههههههههههه
بس الحمدلله من اركب الطياره انسووولف انا ورييييلي ولا انقلب ب هالافلام لين نوصل بالسلامه…

يزااااااااااااااااكم الله خير
شو عن باجي الخوات