شخباركم بنات عساكم بخير وصحه وسهاله
اليوم راده من الدوام ونفسيتي تعبااانه على الاخير
ماعرف كيف ابداء بالسالفه
ابا شوركم ابا مساعدتكم ابا نصيحتكم
طيبتي الزايده صارت غباء صارت جنون
والله العظيم والله شاهد علي عمري ماقليت أدبي على حد او ماحترمة حد
طول عمري خدومه واتعامل بحسن نيه وتعامل مع زميلاتي بعفويه وسامح
اليوم انصدمت من شي تخيلو يرمسون على زميلاتي يقولون هاي مينونه غبيه
ويستغلوني في الشغل
تمنيت الارض تنشق وتبلعني
عاهدت نفسي من اليوم اني اتغير بس ماعرف كيف
اطول ألساني اغياب ماحترم اللي جدامي اهلي ماعلموني جي
شو اسوي اباهم يعرفوني اني تغيرت وصرت انسانه قويه لها شخصيتها…
شو الحل ؟؟؟؟؟؟
فديتج ف البداية تعوذي من ابليس الحين تلقينه راكب راسج ويقولج يلا صيري قويه وتغيري وخذي حقج ووو ..!!يبا يغيرج واصلا هذي مهمته ف الدنيا انه يخرب بينا ويغير افكارنا ,,!!
لا تقولين هالرمسه ابداا كل انسان يتعامل مع الناس بطيب اصله وعلى ماتربي عليه ومن متى الطيبه صارت غباء ..!!
صدقيني دامج طيبه الناس بتحبج وبتتقرب منج وبتوود منج ..
الرسول كيف قرب كل هالناس ودعى للاسلام والف بين القلوب..! مب بالطيبه .!!
لاتحكمين على نفسج من كلام وحده والا ثنتنين !هن خبيثات ونيتهن مب زينه
العكس انا طيبه ومستانسه اني طيبه وتستوي احداث حولي بس مستحيل اتراجع عن طيبتي بيوم عشان ارضيهم الحمدالله انا راضيه عن نفسي ومستحيل اخذ اثم واستوي شريه وقويه عشان خاطر الناس انا افكر بكل شي اسويه كيف بحصل من وراه اجر ..!!
ابدا لا تلومين عمرج على الطيبه والله انها صفه حسنه وايد ناس عصبين وغيره يتمنون هاالطيبه فيهم ..
فديتج اختي ..الله يوفقج لما يحبه ويرضاه وغيري مودج ولاتردين تفكرين بهالشي مره ثانيه ^^
اختج ف الله ,,
وما عليج من حد
غاليتي
السيئـة ما تنرد سيئـة
بالعكس كوني على ثقـة في نفسج وفي اسلوب حياتج
كوني واثقـة ان الطيبة والخير هو الصح
والباقي غلط مهما ظهرلج صح
أهم شي الإنسان يتمسك بقيمه وأخلاقه
وفي نفس الوقت ما توصل للسجاذة وترسمين لنفسج حدود في التعامل مع الناس
الطيبـة شي مطلوب
لكن بحدود وقياس
وربي يثبتج ويوفقج أختي
لا تفكري تغييرين اسلوبك وتصييرين قوية لا بس لا تحطي لهن قيمة في بالك يكفي