أخواتي العزيزات
ما ادري شقول ، بس ماني قادرة ابث شجوني لحد من اللي حوالي …..
المشكلة إني متزوجة من سنة من ريال مو من جنسيتي ، ومن غير مذهبي ومرت السنة بشد وجذب يوم حلوو ويوم مر من كثر تدخلات اهلة في حياتي وفي ديني ، وكنت والله بالشوفه لهم واساعد الصغير ققب الكبير والكل يشهد لي بالأصل والتربية وحسن الاخلاق ، وكنت اعاني من مضايقات اخوه اللي يتخزز فيني ومايراعي حرمة أخوه ، بس لين صارت وايد مشاكل ظهر فيها الحق اني مظلومة والكل شهد ان أخوه صدق بلا دين .
بس البارح كنت ازوهم وصدمني اخوه بالغلط والله اشك انه بالغلط ، زعلت بسكوت ومسكت نفسي ورحت الدار وجلست بروحي وجا زوجي وقلت له بيني وبينه الله يرحم والديك انا بيت اهلك بعد ما ادخله دام اخوك موجود …. وقال خير انشالله .
وفجأة دش علي ابوه وتهجم علي ، وسبني وقال لي انتي جايه تفرقين بين الاسرة وتهدمين بيتنا ، وانا اولادي كلهم اولياء وما فيهم العيب ، وطردني من البيت …
وريلي طرده وراي …..والله معززه مكرمة ببيت اهلي وما قط حد قالي كلمة تزعلني بس انهان وانسب وانطرد ظلم
زوجي تحمل صراخي وبكائي وعصبيتي ووعدني بالهجرة من الديرة والابتعاد عن اهله من طرفي ولا اعود ادخل بيتهم بعد ….
الديرة ديرتي وهم وافدين عليها …. واهاجر منها ليش ليش انه هم مستقرين فيها للأبد .
انا حدي متضايقة يدق على امه وخواته ويقولون له ان ابوه غلطان وانهم ظلموني بس محد يعبرني ولا يدق علي ..
والله الظلم شين من البارح ماني نايمة والدموع مافارقتني …
من امس كلما تذكر الموضوع اقول اللهم اني مظلوم فانتصر ..شوروا علي خواتي شسوي
فديتج والله ربج فوق وبيطلع الغلطان باذنه
صح اني صغيره السن بس بقول اللي عندي
يوم قرر ريلج انه يهاجر تراه تسرع
خليج فبلادج معززه ومكرمه لأنه بعد فترة هو ما رده لاهله
فبيحط اللوم عليج او بياخذ موضوع هجرته حجه وانتي بتكونين السبب
فقوليله خليكم فالبلاد ولا تطلعون منها
بس ابعد عن الشر وغنيله عيشي بعيد عن اهله
والمهم انج انتي واثقه انج مب غلطانه
وببي اليوم اللي بيبين انه ولدهم اللي مايستحي
وعسب ريلج خليج انحيازيه
مثلا قوليله مهما صار تراهم اهلك
زورهم اتطمن عليهم ولاتتسرع
بس انتي تكونين بعيده يسأل يتطمن عليهم لكن لوحده
وادعي فصلاتج بان ربج ياخذ حقج من هالنذل اخوه
ولا تحطين فبالج زواجج غلطه او تفكرين بموضوع الجنسية او المذاهب لأنه لو فكرتي بتم هالفكرة فبالج وبتقولين اي مشكله سببها هذي الاختلافات
ماعليه اول سنتين لازم فيها مشاكل لأنه الشخصين مب متعودين على اطباع بعض
والله يوفقج ويسهل امرج حبيبتي : )
لج وانت ماعليج من اخوه خلاص مادام انت مب معاهم في البيت والافضل انكم تسكنون في بيت بروحكم ولاتمين
تذكرينه باللي صار ولاتخبرين حد عن الموضوع وارجع واقولج خليه دايما يروح عند أهله والله ينصرج ويصبرج
رددي كل يووم حسبي الله ونعم الووكييييييل وان شاءالله كل شي بيتصلح
معقوله في ناس جيه
ماعرف شو اقولج حبيبتي
غير الله يعينج ويصبرج عاللي انتي فيه