العشا والخطوبه والعيايز؟؟؟؟؟؟؟؟؟

مرحبا بناااااااااااااااات ما بطول عليكن ان شاء الله الاسبوع الياي يايين ناس يخطبون أختي فحبيت مساعدتكن بناااااااات فالعشا شو ممكن نطبخه بدون ما نشتري من المطعم علما بان هناك عيايز يايات ما عرف شو يحبن عالعشا؟؟
دخيلكن لا تبخلوووون عليه خبروني والسموحه

هو المفروض عشا من المطعم ذبايح وعيش وإن شاء الله البنات يفيدونج بالتوفيق إن شاء الله والله يتمم لكم بخير

نوعي شي سويه في البيت مثل السلطات والمقبلات والشوربة والسويت

والعشاء الاساسي خذيه من برع بس نوعي فيه او خذي مشاوي من برع والدياي روحج بدعي فيه يعني سوي لهم صينية توست بالدياي او لفائف دياي بالخبز الوقافي او بعجينة السمبوسة — دوري في القسم وبتلقين كل شيء –

تدرين شي من العيايز اللي ما تاكل لحم واللي ما تاكل دياي واللي تحب روب بس واللي تحب روبيان

ولا تعبين عمرج في المطبخ وتضيعين فرصة القعدة ويا الناس
ومبروكين مقدما

نحن عدنا شي اساااسي ذبيحه يوم الخطبه..هذا من سنع العرب.

حتى لو عيايز وماياكلون هاي الاصول.

انتي اطلبو ذبيحه ..وسوي محاشي و فطاير وسلطات ..

واطلبي من بره اشيا ثانيه مقل التبوله والحمص وتواابعه..

اتقدرين اتسوين عيش ولحم كصحن رئيسي وبجانبه هريس وعرسيه ولا لحم ناشف على خبز ولا ثريد ومعجنات فطاير جبن وزعتر وبيتزا وسبانخ وهذيلا كلهن من عجينه وحده
المحاشي شكلي ورق عنب على ملفوف على كوسا
وسمبوسه والسلطات فتوش وتبوله والحلويات اشكال وانواع بسبوسه ولاكاب كيك ولا زلابيا ولا حتى لقيمات وبتلاقين وايد وصفات في مطبخ سيدات الامارات والله يوفقكم ويسعدكم

اول شي مبروووووووووك مقدما وثاني شي لازم الذبيحه والعيش علشان العيايز ما يفضحوكم ويبدوا في الذم من الحين وفالبيت تسوون فطاير وسندويشات دجاج ومحاشي وحلويات واتمنالكم التوفيق ان شاء الله وبشرونا

لا شوربة ولا هم يحزنون……….

من سلم العرب انج تذبحين ذبيحه والا هنتين

عيش ولحم.. او غوزي تحته عيش وفوقه خبز.. يعني هو مشوي.. وهو عيش ولحم..
وطبعا لازم الهريس او العرسيه.. حتى لو تشترون من برع اوفر وايد عليكم..
فريد… سلطة نوع نوعين…

اممممممم خليني اتذكر يوم خطبتي شو مسوين؟؟
ماذكر لانه خواتي قامو بالواجب

بس اللي اذكره المشوي والعيش واللحم..
سلطتين… هريس…….. وورق عنب وملفوف وكوسا….
مكرونا بالبشاميل… بلاليط… ساقو…

حلوى حارة… لقيمات..

هاللي اذكره……..

حتى لو ماكان فيه نصيب.. الواحد يتيمل (يتجمل ) جدام الناس..

واختج خليها طبيعيه يعني مب وايد مكياج جنها سايره عرس.. ترا الحريم الكبار مايعيبهم..
خلوها بمكياج خفيف يبرز جمالها..

والله يوفقها وعقبال الجميع