مرحبا خواتي ..
انا إن شاءالله ناويه اروح العمره مع هلي في منتصف شهر 12 يعني في اجازة الربيع وبروح مع عيالي وخداكتي عشان تساعدني فالعيال
فخدامتي باسم زوجي وزوجي ما بيروح معانا فما أعرف كيف بيكون سفرها لازم يعني يكون الكفيل معاها ولا عادي تسافر بدون كفيل؟؟
دقيت حق سفارة السعوديه وكل واحد يحولني عالثاني
فحبيت أعرف منكن خواتي منو جربت تسافر بدون كفيل خدامتها
الي تعرف ارجوكن لا تبخل علي
عشان احجز من الحين
أتريااااااكن
اختى انا سافرت مع خدامتي وطلبو الكفيل ضروري الكفيل موجود او يسوي توكيل ما اعرف بالضبط بس سيري للجوازات مب بالتلفون ماينفع فديتج
المشاركة الأصلية كتبت بواسطة ورقة ناعمة 
اختى انا سافرت مع خدامتي وطلبو الكفيل ضروري الكفيل موجود او يسوي توكيل ما اعرف بالضبط بس سيري للجوازات مب بالتلفون ماينفع فديتج
مشكوره اختي
يعني اروح جوازات بوظبي ولا أروح سفارة السعوديه؟؟؟
عادي انا شليت خدامتي وهي باسم اخو زوجي خليه يسير الجوازات يسوي توكيل لاخوج او لج اذا مسموح والله يتقبل عمرتكم ياربك
اختي تواصلي مع اي حملة حج وعمرة .. وهم بيرتبولج فيزة الخدامة للسعودية وبيخبرونج اذا تقدرين اتسفرينها او لا … مرة رحت ويا عيالي العمرة والخدامة وماكان زوجي ويانا بس ما مشكلونا فالمطار لانها تعتبر مرافقة للاسرة.