بسم الله الرحمن الرحيم 000
ان شاء الله عيالي بيسيرون العمرة ضمن رحلة المركز الصيفي وبيتمون 15 يوم 000
شو احط في شنطتهم ؟
واحتمال كبير اكون انا وياهم فشو اخذ وياي ؟
الرحلة بتكون بالباص 00000000
عطوني كل التفاصيل 00 شو اخذ وشو ظروري 0000000 الخ
والتطعيم ظروري ولا مب ظروري لانهم طالبين على عيالي تطعيم 000
بالتوفيق ان شالله
طبعا أول شي سرنا العمرة و عقبها سرنا أبها ..
بقولج عن تجربتي ..
طبعا التطعيم وااااااااايد ضروري ..
لأني وايد عانيت في العمرة من أمراض السفر..
و اليهال بعد ..يحليلهم ما سلموا .. حتى بنت أختي الصغيرة جاسها جفاف بسبة الاسهال و الترجيع و الحمى ..
أنا مب قاصدة أخوفج بس أقولج انه أهم خطوة (((التطعيم)))
ثاني شي ..
الأغراض اللي بتحتاجونها ..
1) خذي أشياء خفيفة حق الدرب (سلايز – جبن – شيبسات – بسكوت – مكسرات ) المهم شي خفيف
2) طبعا بما انكم مسافرين فالباص فطبعا بتنزلون استراحات ( يعني أكيييد بتحتاجون مناديل ديتول ) و (معقم اليدين) .
3) تحسبا لأي مرض – لا سمح الله – لا تنسين الادوية الاساسية مثل أدوية ( الاسهال – الترجيع – أدول – مضاد حيوي)
4) هناك ما تضمنين نظافة الفراش فأنصحج تاخذين معاج هاللحافات الخفيفة .
هذي أهم الاشياء
ان شاء الله أكون أفدتج بشي
و في بعد شي واااايد مهم
بما انها اول مرة عمرة لازم تروحين تاخذين كتيبات تعرفين كيف تأدين العمرة و بنصحج بنشرة لابن باز اسمها (صفة العمرة ) بسيطة و مختصرة
علمي عيالج كيف بيعتمرون و شو يسون في الميقات و الطواف و السعي و الادعية اللي يقولونها .
و عمرة مقبولة ان شاء الله؟
تروحون و ترجعون بالسلامة.
وطعمت عيالي وللة الحمد بس عن الحمى الشوكية 000
وكل الاغراض اللي قلتيها حطيتهم في هاند باك صغير بيكون وياهم في الباص 00
واللبس الغالية 000
شو اخذ لهم ؟
يعني انا اشتريت لهم صنادل 00 احسههم عمليات واحسن عن النعول !!!!!!!!!!
واشكرج مرة ثانية وعمرة مقبولة ان شاء الله
المشاركة الأصلية كتبت بواسطة AMAL** 
بالتوفيق ان شالله
لله الحمد طعمتهم 0000000000
والف شكر
بما انه في الباص .. خذي مخدات صغيرة وناعمة .. للرقبة .. لأن الرقاد بيكون على الكرسي نفسه …
واذا اليهال صغار بعمر القراية .. خذي مجلة ماجد او مجلة اطفال …
بالنسبة للنعول تكرمين .. افضل الصنادل الخفيفة ..
أما الملابس لو تقدرين تاخذين الملابس اللي ما تبينها أبدا ..
يعني تنلبس مرة وتعقينها ما تردينها البلاد ..وتكون خفيفة ايضا …
مناديل ديتول مهمة وايد + المعقم …
اول ما توصلون الفندق خذوا كرت الفندق وخلوه معاكم ..
لأني أنا لما رحت اول مرة انا وابوي .. ما عرفنا نرجع للفندق ونسينا اسم الفندق .. والحمد لله كان معانا كرت والشرطة جزاهم الله خير دلونا ….
عيالج اذا صغار او حتى لو معاكم كبار السن ..
سوي لهم بطاقات فيها الأسم والعنوان وارقام تلفوناتكم وارقام الحملة وحطوا الأوراق في جيوبهم او تتعلق في الرقبة ..عموما لا تخافين ان شاء الله كل شيء يتيسر ..
دايما اول عمرة فيها خوف لكن لما تروحين هناااك بتستمعين وايد ..
هيه ونسيت اقول لا تعطون مجال للمتسولين هناااك ابدا ..
لأنج لو عطيتي شخص فجأة يظهرون مجموعات مدري من وين ..
والله يوفقكم يارب تروحون وترجعون بالسلامة ..