خواتي انا وايد مضايقه…
في موضوع جدا امضايقني…
واتمنى تعطوني الحلول المناسبه والصحيحه…
باختصار…
انا الحمدالله امدوامه على القران والقيام الليل والنوافل والسنن والاذكار والاستغفار والخ…
بس كل ما يقرى عليه مطوع ايقولي انتي محسوده حسد مش طبيعي…
يعني حسد قوي…
هالكلام اكثر عن 4 مطاوعه قايليلي…
لدرجه يوم يقرون عليه اصابع ايدي اتنمل…خصوصا ويوم ايكررون ايه من شر حاسد اذا حسد…
طبعا هذا من اثار العين والحسد…(والعين حق)
خواتي اباكم اتساعدوني كيف ابعد عيون الناس عني؟؟؟…
كيف احمي نفسي؟؟؟…
شو الاشياء الي لازم اقراها عسب ما اتصيبني اي عين؟؟؟…
شو الاشياء الي لازم اسويها؟؟؟…
بانتظاركم خواتي…
دعوه في ظهر الغيب تكفيني…
لا تحرموني من دعواتكم الطيبه…
وعليج بالبقره … حصن حصين باذن الله …
والاذكار لا تقطعيها …
وخلي لج ورد يومي من القران تقرينها يوميا ..
وتوكلي على رب العالمين ..
الله يشفيج ويرفع عنج
والله ما اتعرفون اشكثر هالموضوع امضايقني…
في ميزان حسناتكم وجزاكم الله الف خير حبيباتي…
الله ايوفقكم…
والله الخير عندج وعندي، ودوم متحصنة الحمد لله ،
مع اني انسانة متواضعة جدااااا.مهما شو ملكت ووشو كان مستواي الاجتماعي عند رب العالمين كلنا سواسية
ما فيه غير اذكار الصباح والمساء وماي مقراي عليه..والله يستر علينا يا رب